ماڭعىستاۋ اكىمى نۇرداۋلەت قيلىباي دومبىراشىلاردى تورگە شىعارۋ كەرەگىن ايتىپ، قىزمەتكەرلەرىنە ەسكەرتۋ جاسادى، دەپ حابارلايدى Dalanews.kz.
ءوڭىر اكىمى اۋەلى دومبىراشىلارمەن امانداسىپ، ارتىنشا ونەر ادامدارى توردە وتىرۋى كەرەگىن ايتادى.
"مەن جۇرگەن جەردە، ءوتىنىش، جىگىتتەر تابالدىرىقتىڭ الدىندا وتىرماسىن. بۇلاردىڭ ورنى - قاسيەتتى ساحنانىڭ ءتورى. ءبىز الىپ ەسىكتىڭ الدىنا "بايلاپ" قويامىز. ەگەر اقشاعا كەلىسىپ كەلسە جاقسى. ال مىنانداي فورۋمداردا قازاقتىڭ دومبىراسىنىڭ ورنى - ءتور. مەن بار كەزدە سولاي بولسىن، ءوتىنىش"، - دەيدى ءوڭىر اكىمى.
ايتا كەتەيىك، وقيعا بۇگىن، 26 قىركۇيەكتە VIII سايلانعان ماڭعىستاۋ وبلىسى ءماسليحاتىنىڭ كەزەكتى XXII سەسسياسىنىڭ الدىندا بولعان. ءماسليحات دەپۋتاتتارى وبلىس اكىمى نۇرداۋلەت قيلىبايدىڭ 2025 جىلدىڭ 8 ايىنداعى ءوڭىردىڭ الەۋمەتتىك-ەكونوميكالىق دامۋى تۋرالى ەسەبىن تىڭداعان.
