قازاقستاندا مۋزىكالىق اسپاپتاردى ۇشاقپەن تاسىمالداۋ ءتارتىبى زاڭ جۇزىندە رەتتەلۋى مۇمكىن، دەپ حابارلايدى Dalanews.kz.
كولىك ۆيسە-مينيسترى تالعات لاستايەۆتىڭ مالىمەتىنشە، جاڭا ەرەجەلەردە مۋزىكالىق اسپاپتاردىڭ سالماعى مەن كولەمىنە قاراي ناقتى تالاپتار بەلگىلەنەدى. ونىڭ ايتۋىنشا، بۇل باستاما دومبىرا سەكىلدى ۇلتتىق اسپاپتاردى تاسىمالداۋ كەزىندە تۋىندايتىن ماسەلەلەردى شەشۋگە باعىتتالعان.
“مۋزىكالىق اسپاپتاردى، سونىڭ ىشىندە دومبىرانى تاسىمالداۋدى زاڭدى تۇردە رەتتەۋ قاجەت. جاقىن ارادا جولاۋشىلار مەن جۇكتەردى تاسىمالداۋ قاعيدالارىنا ءتيىستى وزگەرىستەر ەنگىزەمىز دەپ جوسپارلاپ وتىرمىز. شامامەن ءبىر ايدىڭ ىشىندە ناقتى شەشىم قابىلدانادى”، – دەدى ۆيسە-مينيستر.
