ۇلتتىق بانكتٸڭ 6 جەلتوقسانداعى كٷندٸزگٸ ساۋدا-ساتتىق قورىتىندىسى بويىنشا 1 اقش دوللارىنا بەلگٸلەگەن باعامى – 524,65 تەڭگە. ال قور بيرجاسىنىڭ كەشكٸ سەسسيياسىندا امەريكالىق ۆاليۋتا بٸردەن 9,31 تەڭگەگە ارزانداپ, باعام 514,65 دەڭگەيٸندە قالىپتاستى. بۇل ارزانداۋدى ەكونوميست عالىمجان ايتقازين رۋبلدٸڭ تۇراقتانا باستاۋىمەن بايلانىستىرادى, دەپ جازادى Dalanews.kz.
ال رەسەي رۋبلٸ بيلٸكتٸڭ شالت قابىلداعان شارالارىنان كەيٸن ٶز-ٶزٸنە كەلە باستادى. "رەسەي ٶز گازىنا تەك سانكتسيياعا ۇشىراعان بانكٸ ارقىلى تٶلەم جاساۋ تالابىنىڭ كٷشٸن جويدى", دەپ جازادى Bloomberg باسىلىمى.
اگەنتتٸك رەسەي فەدەراتسيياسىنىڭ پرەزيدەنتٸ پۋتيننٸڭ جارلىعىنا سٷيەنە وتىرىپ, رەسەيلٸك گازدى شەتەلدٸك ساتىپ الۋشىلار ٷشٸن تٶلەم جاساۋ تەسٸلٸ ٶزگەرگەنٸن جەتكٸزەدٸ. وسىلايشا اقش-تىڭ گازپرومبانككە سالعان سانكتسييالارى گاز تاسىمالىن توقتاتىپ, ٶزدەرٸنە قيىن بولادى دەپ قورقىپ-ٷركٸپ وتىرعان ەۋروپانى رەسەي بيلٸگٸ سابىرعا شاقىرعانداي بولدى.
دەگەنمەن, گازپرومبانك ەلٸ دە تٶلەمدەر جاسالاتىن ۋەكٸلەتتٸ بانك بولىپ قالا بەرمەك. بٸراق, اقش سانكتسييالارىنا ۇشىراعان قارجىلىق ۇيىم تٶلەمدەردٸ تەك رۋبلمەن قابىلدايدى.
"بۇل رەسەيلٸك گازدى ساتىپ الۋشىلاردىڭ, ەگەر شەتەل ۆاليۋتاسىندا تٶلەم جاساعىسى كەلسە, ٶزگە بانكتە شوتتارى بولۋى كەرەك دەگەندٸ بٸلدٸرۋٸ مٷمكٸن. ال ٶزگە بانك اقشانى رەسەي ۆاليۋتاسىنا ايىرباستاپ, ونى گازپرومبانككە اۋدارۋى قاجەت بولادى. وسىلايشا,رەسەي بۇل جارلىعى ارقىلى گازىن ساتىپ الۋشىلارعا, سونىڭ ٸشٸندە ەۋروپالىق وداق ٷشٸن مۇنداي ترانزاكتسييالار جاساۋدىڭ ٶزگە جولىن اشادى, ياعني بۇل ارادا وسىعان دەيٸن قولدانىلماعان تەسٸل - ٷشٸنشٸ تاراپتار ارقىلى تٶلەمدەر جاساۋعا مٷمكٸندٸك بەرٸلەدٸ. سونىمەن قاتار, بۇل شەشٸم ٷشٸنشٸ تۇلعالارعا ناقتى ساتىپ الۋشىلاردىڭ ورنىنا رەسەيلٸك گاز ٷشٸن تٶلەم جاساۋعا جول اشىپ قانا قويماي, سونىمەن قاتار رەسەيلٸك گاز الىبى ماقۇلداعان جاعدايدا ساتىپ الۋشىلار مەن "گازپروم" اراسىنداعى ٶزارا ەسەپايىرىسۋدىڭ كٶزٸ بولۋىنا مٷمكٸندٸك بەرەدٸ. گاز بويىنشا قارىز رۋبلمەن دە, شەتەل ۆاليۋتاسىمەن دە ٶتەلە بەرۋٸ مٷمكٸن, بٸراق بۇرىن جەتكٸزٸلٸمٸ توقتاتىلىپ, قايتا جاڭعىرتىلىپ جاتقاندارى بويىنشا تٶلەمدەر رۋبلمەن جٷرگٸزٸلۋٸ شارت. پۋتيننٸڭ وسى جارلىعى جارييالانا سالىسىمەن, گازدىڭ ەۋروپالىق بازالىق باعاسى 2,3% - عا تٶمەندەدٸ. رەسەي تاعى دا ەۋروپاعا گاز تاسىمالداۋدى جالعاستىرۋ ٷشٸن سانكتسييالاردى ٸشٸنارا اينالىپ ٶتۋدٸڭ كومپروميستٸ شەشٸمٸن تاۋىپ, بٸر قاتەردٸڭ بەتٸن قايتاردى. بۇل بولاشاقتا تەڭگە باعامىنا جاسالاتىن قىسىمنىڭ دا تٶمەندەيتٸنٸن بٸلدٸرەدٸ", دەپ جازادى عالىمجان ايتقازين.
سونىمەن رەسەيدٸڭ ۆاليۋتا نارىعىندا دا جاعداي تۇراقتالىپ كەلەدٸ. بٷگٸنگٸ كٷنٸ قۇلدىراعان سولتٷستٸك كٶرشٸنٸڭ اقشاسى اپتىعىن باسىپ, رۋبلگە شاققاندا 1 اقش دوللارى 100 رۋبل دەڭگەيٸندە قالىپتاسقان. وعان قوسا, بٷگٸن امەريكالىق ۆاليۋتاعا شاققاندا تەڭگەنٸڭ ازداپ نىعايعانىنىڭ كۋەسٸ بولىپ وتىرمىز.
"وسىدان كەيٸن تەڭگە باعامى رەسەيلٸك رۋبلدٸڭ جاعدايىنا قارايلامايدى دەگەنگە كٸم سەنەدٸ? ەگەر 2022 جىلى سوعىس باستالعاندا جەنە ٶتكەن جىلى رۋبلگە جالتاقتاعان تەڭگە رف-عا قازاقستان رەەكسپورتى (رف-مەن اراداعى ٶزارا ساۋدا-ساتتىقتا تاپشىلىقتى تٶمەندەتۋشٸ) سالدارىنان ايتىرلىقتاي ەلسٸرەسە,بيۋدجەتكە تٷسەتٸن قوسىمشا سالىقتىق تٷسٸمدەر جۇمسالعان وسى رەەكپورتتان الشاقتاۋدا «رۋبلگە جالتاقتاۋىمىز» ودان دا قاتتى بٸلٸنٸپ قالدى", - دەيدٸ مامان.
