– ەڭ ءبىرىنشى سەبەبى – بىلىمسىزدىك. كوبىسى ينتەرنەتتەن ءدارىس الادى. ونىڭ ار جاعىندا كىم وتىرعانىن بىلمەيدى. سوندىقتان يمام، تەولوگتارمەن جەكە اڭگىمە بارىسىندا، ولار وزدەرىنىڭ يسلامنان تولىق حاباردار ەمەس ەكەنىن، قايداعى ءبىر ينتەرنەتتەگى مالىمەتتەردى وزدەرىنە سىڭىرگەنىن مويىندادى، – دەيدى باس ءمۇفتي ەرجان قاجى مالعاجى ۇلى.
سوندىقتان ءمۇفتيات لاڭكەستىگى ءۇشىن سوتتالعان 400 استام ادامدى بولەك تۇرمەدە ۇستاۋدى قولداپ وتىر. ءتىپتى تۇرمەلەرگە بارىپ دىنىنەن اداسقانداردى رايىنان قايتارىپ ءجۇر ەكەن. سونداي-اق، بۇگىن ءدىني باسقارما باس ءمۇفتي اۋىسادى دەگەن اقپاراتقا قاتىستى دا مالىمدەمە جاسادى. ويتكەنى سوڭعى كۇندەرى «اسىل ارنا» تەلەارناسىنىڭ ديرەكتورى مۇحامەدجان تازابەكوۆ ءدىني باسقارماعا باسشى بولىپ تاعايىندالادى ەكەن دەگەن اقپارات تاراعان. باسقارماداعىلار بولسا قازىرگى ءتوراعا ەرجان قاجى مالعاجى ۇلى قىزمەتتەن كەتپەيتىنىن العا تارتتى. ونىڭ ۇستىنە باس ءمۇفتي بولاتىن ادام حانافي ءماسحابىن ۇستانۋى كەرەك ەكەنىن العا تارتتى.
دەرەككوزى: ktk.kz
