سەناتور گەنناديي شيپوۆسكيح قۇرىلىس كومپانييالارىن جارنامالايتىن بلوگەرلەر مەن تانىمال تۇلعالاردىڭ جاۋاپكەرشٸلٸگٸن ارتتىرۋدى تالاپ ەتتٸ, دەپ حابارلايدى Dalanews.kz.
بٸر عانا ەلوردادا قانداي دا بٸر مەسەلە تۋىنداعان جوبالاردى اياقتاۋ ٷشٸن ۇلتتىق قوردان 60 ميلليارد تەڭگە, ال رەسپۋبليكالىق جەنە جەرگٸلٸكتٸ بيۋدجەتتەن 154 ميلليارد تەڭگە بٶلٸنەدٸ. الايدا بٷگٸندە ەلٸمٸزدە 7 مىڭداي ٷلەسكەر الدانىپ قالعان.ونىڭ 4 مىڭنان استامى استانادا قونىستانعان. رەسپۋبليكا بويىنشا تاعى 44 پروبلەمالىق نىسان بار.
سوڭعى ەكٸ جىلدا قۇقىق قورعاۋ ورگاندارى زاڭسىز اقشا جيناعان 300-دەن استام كومپانييانى جاۋاپقا تارتىپ, 250 ميلليون تەڭگە ايىپپۇل سالعان.
“ياعني, بٸر كومپانيياعا ورتاشا ەسەپپەن 800 مىڭ تەڭگەدەن اسا ايىپپۇل سالىندى. بۇل بٸر پەتەردٸڭ ەكٸ شارشى مەترٸنٸڭ باعاسى عانا. ال كەلتٸرٸلگەن شىعىن 300 ميلليارد تەڭگەنٸ قۇرايدى. بۇل پارادوكس ەمەس پە? كەيبٸرەۋٸنٸڭ جاۋاپسىزدىعىنان ٷلەسكەرلەردەن بٶلەك, قۇرىلىس كومپانييالارىنىڭ قۇرىلىسشىلارى, كەسٸپكەرلەر مەن قۇرىلىس ٶنٸمدەرٸن جەتكٸزۋشٸلەر زارداپ شەگۋدە. قۇرىلىسشىلارىمىز قۇرىلىس كومپانييالارىنان ەڭبەكاقى الۋدا قينالىپ جاتقانىن كٶرٸپ جٷرمٸز. كەيبٸرەۋلەرٸ وسى مەسەلەمەن ماعان كەلدٸ” - دەيدٸ گەنناديي شيپوۆسكيح.
سەناتور وسىنداي جاعدايلاردىڭ الدىن الۋ ٷشٸن قۇرىلىس كومپانييالارىنا قويىلاتىن تالاپتار مەن مەملەكەتتٸك باقىلاۋدى كٷشەيتۋ قاجەت ەكەنٸن جەتكٸزدٸ.
“ەگەر كومپانييا ٷيدٸ ۋاقىتىندا بەرمەسە, وندا ولاردىڭ ٷلەسكەرلەرگە جالداۋ اقىسىن كەلٸسٸم-شارتتا كٶرسەتۋدٸ مٸندەتتەۋ كەرەك. سونداي-اق مۇنداي قۇرىلىس كومپانييالارىن جارنامالايتىن بلوگەرلەر مەن تانىمال تۇلعالاردىڭ جاۋاپكەرشٸلٸگٸن ارتتىرۋ قاجەت. ولار حالىققا بەلگٸلٸ بٸر تۇرعىن ٷيدٸ جارنامالاس بۇرىن, سول كومپانييانىڭ جۇمىسىنا تولىق سەنٸمدٸ بولۋى ماڭىزدى. وسىنداي كومپانييالارعا سالىناتىن ايىپپۇل كٶلەمٸن ۇلعايتۋعا نە كەدەرگٸ?“ - دەپ سٶزٸن جالعادى سەناتور.
ەسكە سالايىق, كٷنٸ كەشە الماتىداعى تۇرعىن ٷي كەشەنٸندەگٸ ٷلەسكەرلەردٸڭ بٸرٸ بوستاندىق اۋداندىق پوليتسييا بٶلٸمٸنە ارىز تٷسٸرگەنٸ بەلگٸلٸ بولدى. ولار “Flora City Stroy” جشس باسشىسىن تۇرعىن ٷي كەشەنٸندە جوق پەتەرلەردٸ ساتتى دەپ ايىپتاپ وتىر.
