Senator Gennadii Shipovskih qurylys kompaniialaryn jarnamalaityn blogerler men tanymal tulǵalardyń jaýapkershiligin arttyrýdy talap etti, dep habarlaidy Dalanews.kz.
Bir ǵana elordada qandai da bir másele týyndaǵan jobalardy aiaqtaý úshin Ulttyq qordan 60 milliard teńge, al respýblikalyq jáne jergilikti biýdjetten 154 milliard teńge bólinedi. Alaida búginde elimizde 7 myńdai úlesker aldanyp qalǵan.Onyń 4 myńnan astamy Astanada qonystanǵan. Respýblika boiynsha taǵy 44 problemalyq nysan bar.
Sońǵy eki jylda quqyq qorǵaý organdary zańsyz aqsha jinaǵan 300-den astam kompaniiany jaýapqa tartyp, 250 million teńge aiyppul salǵan.
“Iaǵni, bir kompaniiaǵa ortasha eseppen 800 myń teńgeden asa aiyppul salyndy. Bul bir páterdiń eki sharshy metriniń baǵasy ǵana. Al keltirilgen shyǵyn 300 milliard teńgeni quraidy. Bul paradoks emes pe? Keibireýiniń jaýapsyzdyǵynan úleskerlerden bólek, qurylys kompaniialarynyń qurylysshylary, kásipkerler men qurylys ónimderin jetkizýshiler zardap shegýde. Qurylysshylarymyz qurylys kompaniialarynan eńbekaqy alýda qinalyp jatqanyn kórip júrmiz. Keibireýleri osy máselemen maǵan keldi” - deidi Gennadii Shipovskih.
Senator osyndai jaǵdailardyń aldyn alý úshin qurylys kompaniialaryna qoiylatyn talaptar men memlekettik baqylaýdy kúsheitý qajet ekenin jetkizdi.
“Eger kompaniia úidi ýaqytynda bermese, onda olardyń úleskerlerge jaldaý aqysyn kelisim-shartta kórsetýdi mindetteý kerek. Sondai-aq mundai qurylys kompaniialaryn jarnamalaityn blogerler men tanymal tulǵalardyń jaýapkershiligin arttyrý qajet. Olar halyqqa belgili bir turǵyn úidi jarnamalas buryn, sol kompaniianyń jumysyna tolyq senimdi bolýy mańyzdy. Osyndai kompaniialarǵa salynatyn aiyppul kólemin ulǵaitýǵa ne kedergi?“ - dep sózin jalǵady senator.
Eske salaiyq, kúni keshe Almatydaǵy turǵyn úi keshenindegi úleskerlerdiń biri Bostandyq aýdandyq politsiia bólimine aryz túsirgeni belgili boldy. Olar “Flora City Stroy” JShS basshysyn turǵyn úi kesheninde joq páterlerdi satty dep aiyptap otyr.
