فۋتبول الاڭشاسىنىڭ اشىلۋ سالتاناتىنا «Nur Otan» پارتياسىنىڭ تۇركىستان وبلىستىق فيليالى ءتوراعاسىنىڭ ءبىرىنشى ورىنباسارى، فراكسيا جەتەكشىسى بەيسەنباي تاجىبايەۆ، وبلىستىڭ باس يمامى ەركەبۇلان قاراقۇلوۆ قاتىسىپ، قۇتتىقتاۋ ءسوز سويلەپ، سپورتقا جاستاردى تاربيەلەپ، كەلەشەك ۇرپاققا وسىنداي جاعداي جاساپ وتىرعان عابيدەن زامانحانۇلىنا العىسىن ءبىلدىردى.
سالتاناتتى لەنتا قيۋ راسىمىنەن كەيىن اۋىل اقساقالى اق باتاسىن بەرىپ، الاڭدا اۋىل جاستارى اراسىندا فۋتبولدان جارىس ۇيىمداستىرىلدى.
فۋتبولدى جاقسى كورەتىن اۋىل جاستارى ءۇشىن بۇل تاماشا سىيلىق. بۇدان بىلاي شىنىعامىن، شىڭدالامىن دەگەن اۋىل جاستارى ءۇشىن بۇل الاڭشانىڭ ەسىگى ءاردايىم اشىق بولماق.
«Nur Otan» فراكسياسىنىڭ دەپۋتاتى عابيدەن قاپالبايەۆتىڭ ايتۋىنشا، پارتيانىڭ سايلاۋالدى باعدارلاماسىندا وڭىردە سپورت نىساندارىن سالۋ، ينفراقۇرىلىمدى جاقسارتۋ جوسپارلارى ەنگىزىلگەن. وسى باعىتتا جۇمىس جالعاسادى.
