«Nur Otan» partıasynyń saılaýaldy baǵdarlamasy aıasynda Túrkistan oblysy máslıhatynyń depýtaty, kásipker Ǵabıden Qapalbaevtyń demeýshiligimen Báıdibek aýdany, Keńestóbe aýylynan salynǵan zamanaýı kishi fýtbol alańshasy paıdalanýǵa berildi, – dep habarlaıdy Dalanews.kz Túrkistan oblysy ákiminiń baspasóz qyzmetine silteme jasap.

Fýtbol alańshasynyń ashylý saltanatyna «Nur Otan» partıasynyń Túrkistan oblystyq fılıaly tóraǵasynyń birinshi orynbasary, fraksıa jetekshisi Beısenbaı Tájibaev, oblystyń bas ımamy Erkebulan Qaraqulov qatysyp, quttyqtaý sóz sóılep, sportqa jastardy tárbıelep, keleshek urpaqqa osyndaı jaǵdaı jasap otyrǵan Ǵabıden Zamanhanulyna alǵysyn bildirdi.

Saltanatty lenta qıý rásiminen keıin aýyl aqsaqaly aq batasyn berip, alańda aýyl jastary arasynda fýtboldan jarys uıymdastyryldy.

Fýtboldy jaqsy kóretin aýyl jastary úshin bul tamasha syılyq. Budan bylaı shynyǵamyn, shyńdalamyn degen aýyl jastary úshin bul alańshanyń esigi árdaıym ashyq bolmaq.

«Nur Otan»  fraksıasynyń depýtaty Ǵabıden Qapalbaevtyń aıtýynsha, partıanyń saılaýaldy baǵdarlamasynda óńirde sport nysandaryn salý, ınfraqurylymdy jaqsartý josparlary engizilgen. Osy baǵytta jumys jalǵasady.