ايتىسكەر اقىن اينۇر تۇرسىنباەۆا سٶزدٸڭ قۇدٸرەتٸ مەن كيەسٸ تۋرالى پٸكٸر بٸلدٸردٸ. ول ادامنىڭ اۋزىنان شىققان سٶز كەيدە ٶز تاعدىرىنا ەسەر ەتۋٸ مٷمكٸن ەكەنٸن ايتىپ, ٶنەر ادامدارىنىڭ ٶمٸرٸنەن مىسال كەلتٸردٸ, دەپ dalanews.kz تٸلشٸسٸ kznews.kz سايتىنا سٸلتەمە جاساپ حابارلايدى.
اقىننىڭ سٶزٸنشە, ايتىلعان ەر سٶزدٸڭ سالماعى بار. سوندىقتان ادام, ەسٸرەسە كٶپشٸلٸك الدىندا جٷرگەن تۇلعالار, سٶيلەگەن سٶزٸنە اباي بولۋى كەرەك. اينۇر تۇرسىنباەۆا بۇل ويىن بەلگٸلٸ ٶنەر يەلەرٸنٸڭ تاعدىرىنداعى وقيعالارمەن بايلانىستىرا تٷسٸندٸردٸ.
"سٶزدٸڭ كيەسٸ بار. قىرشىنىنان قيىلعان دەنيس تەننەن "سپورتتا قاي جاسقا دەيٸن جٷرەسٸڭ?" دەپ سۇراعاندا, "25 جاسقا دەيٸن" دەپ جاۋاپ بەرگەن. ونىڭ 25 كە جەتپەي قازا تاپقانى ەستەرٸڭٸزدە شىعار...
ورازالى دوسبوسىنوۆ دەگەن الاپات اقىن دوسىم كٶبٸنەسە سٶزدٸ: "اتىم وراز بولعانمەن, وتىزدان جاسىم اسپاعان, يەگٸن ساقال جاپپاعان. سٷيٸنبايمىن, جامبىلمىن, تاڭجىرىقپىن, شارعىنمىن", – دەپ باستايتىن... شىنىندا جاسى وتىزدان اسپادى, نەبەرٸ 29 جاسىندا جارىق دٷنيەمەن قوش ايتىسىپ كەتە بەردٸ.
كەيٸن ورالدان اسىلبەك يسششانوۆ دەگەن اقىن بالا شىقتى. سول بالا ٶزٸنٸڭ ەڭ سوڭعى ايتىسىندا: "بٸر كٷندە بەس اقىنمەن, ايتىسىپ بەرٸن جەڭەتٸن, ورازالىنىڭ جولىن بەر" دەپ جىرلاعان ەكەن. ارادا كٶپ ۋاقىت ٶتپەي جاپ-جاس اسىلبەك تۋرا ورازالى اعاسى قۇساپ جول اپاتىنان قازا تاپتى.
اتاقتى جەنٸبەك كەرمەنوۆتىڭ كەرەمەت تەرمەسٸ بار, سول تەرمەنٸڭ ٸشٸندە "جالعىز شىقپا ساپارعا, ٶكٸنٸشتە قالارسىڭ" دەگەن جولدار بار.. سول جەنٸبەك اعامىزدىن جولعا جالعىز شىعىپ كەتٸپ جٷرەگٸ توقتاپ قالىپ, جول اپاتىنا ۇشىراپ قايتىس بولعانىن بٸرەۋ بٸلٸپ, بٸرەۋ بٸلمەس...
اتاقتى مۇقاعاليدىڭ دا: "ۇيىقتاپ كەتسەم بولعانى تٶسەگٸمدە, قىرىقتىڭ بەسەۋٸندە" دەگەن ٶلەڭٸ بار.. اقيىق اقىن شىنىندا 45 جاسىندا دٷنيەدەن ٶتكەن ەدٸ", – دەپ جازدى اينۇر تۇرسىنباەۆا.
