قالالىق كەڭەستٸڭ كەزەكتٸ وتىرىسىندا ورىستىڭ ەيگٸلٸ جازۋشىسى اتىنداعى كٶشەنٸ بوريس دجونسوننىڭ اتىمەن اتاۋدى كەڭەس مٷشەلەرٸ بٸر اۋىزدان ماقۇلداعان.
رەسەي ۋكرايناعا سوعىس اشقالى بەرٸ ەل اۋماعىندا ورىس تٸلٸنەن باس تارتۋ, دەكوممۋنيزاتسييالاۋ ٸسٸ قارقىن الۋدا.
بۇل جولى حۋست قالالىق كەڭەسٸنٸڭ مٷشەلەرٸ بٸر عانا كٶشەنٸڭ اتىن ٶزگەرتۋمەن شەكتەلگەن جوق. ولار قالاداعى ورىسقا قاتىسى بار 60 كٶشەنٸڭ اتاۋىن تٷگەلدەي ٶزگەرتكەنٸ بەلگٸلٸ بولدى.
وسىلايشا ۋكراينانىڭ قالالارى كەڭەس زامانىنداعى ورىسشا كٶشە اتتارىن قۇتالىپ جاتىر.
ايتالىق, ۋجگورود قالاسىندا – 58 كٶشەنٸڭ, يۆانو-فرانكوۆسكٸدە – 25 كٶشەنٸڭ اتى ٶزگەرتٸلسە, ۋجگورود پەن تەرنوپولدە ۋكرايندەر پۋشكيننٸڭ ەسكەرتكٸشٸ سٷرٸپ تاستاعان.
ال مۋكاچەۆ قالاسىندا 1969 جىلى ورناتىلعان ورىس تانكسٸنٸڭ ەسكەرتكٸشٸن كٷرەسٸنگە سٷيرەپ تاستاعانىن بٸلەمٸز.
