اقوردانىڭ رەسمي سايتى ق ر پرەزيدەنتى نۇرسۇلتان نازاربايەۆتىڭ «ۇكىمەتتىڭ قۇرامى تۋرالى» جارلىعىن جاريالادى.
اتالعان قۇجاتقا سايكەس، مينيسترلەر ءوز ورىندارىندا قالدى. اتاپ ايتقاندا، ەرلان ىدىرىسوۆ – ق ر سىرتقى ىستەر ءمينيسترى، قالمۇحامبەت قاسىموۆ – ق ر ىشكى ىستەر ءمينيسترى، داۋرەن ابايەۆ – ق ر اقپارات جانە كوممۋنيكاسيالار ءمينيسترى، ەلان ساعادييەۆ – ق ر ءبىلىم جانە عىلىم ءمينيسترى، تامارا دۇيسەنوۆا – ق ر دەنساۋلىق ساقتاۋ جانە الەۋمەتتىك دامۋ ءمينيسترى، جەڭىس قاسىمبەك – ق ر ينۆەستيسيالار جانە دامۋ ءمينيسترى، باقىت سۇلتانوۆ – ق ر قارجى ءمينيسترى، ارىستانبەك مۇحامەدي ۇلى – ق ر مادەنيەت جانە سپورت ءمينيسترى، قۋاندىق بيشىمبايەۆ – ق ر ۇلتتىق ەكونوميكا ءمينيسترى، قانات بوزىمبايەۆ – ق ر ەەنەرگەتيكا ءمينيسترى. جارلىق بۇگىننەن باستاپ كۇشىنە ەندى.
ايتا كەتەيىك، بۇعان دەيىن باقىتجان ساعىنتايەۆ ق ر پرەمەر-مينيسترى قىزمەتىنە قويىلسا، "قازاقستان تەمىر جولى" ۇلتتىق كومپانياسىنىڭ ەكس-باسشىسى اسقار مامين پرەمەر-مينيستردىڭ ورىنباسارى بولىپ تاعايىندالدى. بۇگىن قورعانىس ءمينيسترى بولعان يمانعالي تاسماعانبەتوۆ تا پرەمەر-مينيسترىنىڭ ورىنباسارى قىزمەتىنە اۋىستىرىلدى. ونىڭ ورنىنا ساكەن جاسۇزاقوۆ كەلدى.
كورىپ وتىرعانىڭىزداي، بۇعان دەيىن پرەمەر-مينيستردىڭ ورىنباسارى بولىپ قىزمەت اتقارعان داريعا نازاربايەۆا ۇكىمەتتىڭ جاڭا قۇرامىندا جوق. دەمەك، ءدال قازىرگى ۋاقىتتا ول جۇمىسسىز...
داريعا حانىم قايدا بارۋى مۇمكىن؟ بىلەتىندەر ونى ءبىر وبلىستىڭ اكىمى بولىپ كەلەدى دەگەن بولجام ايتۋدا. ناقتى قاي وبلىس ەكەنىن اقپارات ناقتىلانباي ايتا المايمىز. ەندى بىرەۋلەر ول سەناتقا سپيكەر بولۋى مۇمكىن ەكەنىن جەتكىزدى. ءسال كۇتەيىك... بۇگىن-ەرتەڭ بەلگىلى بولادى.
