Aqordanyń resmı saıty QR Prezıdenti Nursultan Nazarbaevtyń «Úkimettiń quramy týraly» jarlyǵyn jarıalady.
Atalǵan qujatqa sáıkes, mınıstrler óz oryndarynda qaldy. Atap aıtqanda, Erlan Ydyrysov – QR Syrtqy ister mınıstri, Qalmuhambet Qasymov – QR İshki ister mınıstri, Dáýren Abaev – QR Aqparat jáne komýnıkasıalar mınıstri, Elan Saǵadıev – QR Bilim jáne ǵylym mınıstri, Tamara Dúısenova – QR Densaýlyq saqtaý jáne áleýmettik damý mınıstri, Jeńis Qasymbek – QR Investısıalar jáne damý mınıstri, Baqyt Sultanov – QR Qarjy mınıstri, Arystanbek Muhamedıuly – QR Mádenıet jáne sport mınıstri, Qýandyq Bıshimbaev – QR Ulttyq ekonomıka mınıstri, Qanat Bozymbaev – QR Eenergetıka mınıstri. Jarlyq búginnen bastap kúshine endi.
Aıta keteıik, buǵan deıin Baqytjan Saǵyntaev QR Premer-mınıstri qyzmetine qoıylsa, "Qazaqstan temir joly" ulttyq kompanıasynyń eks-basshysy Asqar Mamın Premer-mınıstrdiń orynbasary bolyp taǵaıyndaldy. Búgin qorǵanys mınıstri bolǵan Imanǵalı Tasmaǵanbetov ta Premer-mınıstriniń orynbasary qyzmetine aýystyryldy. Onyń ornyna Sáken Jasuzaqov keldi.
Kórip otyrǵanyńyzdaı, buǵan deıin Premer-Mınıstrdiń orynbasary bolyp qyzmet atqarǵan Darıǵa Nazarbaeva Úkimettiń jańa quramynda joq. Demek, dál qazirgi ýaqytta ol jumyssyz...
Darıǵa hanym qaıda barýy múmkin? Biletinder ony bir oblystyń ákimi bolyp keledi degen boljam aıtýda. Naqty qaı oblys ekenin aqparat naqtylanbaı aıta almaımyz. Endi bireýler ol Senatqa spıker bolýy múmkin ekenin jetkizdi. Sál kúteıik... Búgin-erteń belgili bolady.
