ۇلتتىق قۇرىلتايدىڭ ءۇشىنشى وتىرىسىندا جيىندا ەستىر قۇلاققا جەتەر ەستى ءسوز ايتىلدى، ءتيىستى تاپسىرمالار مەن نۇسقاۋلىقتار بەرىلدى. سەكسيالاردا ايتىلعان ۇسىنىستاردىڭ باسىم بولىگى قوعام بىرلىگىن ودان ءارى نىعايتۋعا، جالپىۇلتتىق قۇندىلىقتاردى دارىپتەۋگە، ەلدىڭ عىلىمي، رۋحاني الەۋەتىن كوتەرۋگە باعىتتالعان. سونىڭ ىشىندە ق ر مادەنيەت جانە اقپارات ءمينيسترى ايدا بالايەۆانىڭ مودەراتورلىعىمەن «مادەنيەت. ونەر. رۋحانيات» سەكسياسى دا جارقىن جۇمىس ۇلگىسىن كورسەتە الدى. ادەبيەت، ءدىن جانە ءبىرقاتار الەۋمەتتىك ماسەلەلەرى كەڭىنەن تالقىلانعان بۇل سەكسيادا اۋىلدىق جەرلەردە مادەني وشاقتار قاتارىن كوبەيتۋ، جاستار تاربيەسىنە قاتىستى ناقتى قولعا الۋ كەرەك ماسەلەلەر دە كوتەرىلدى.
جاڭارۋ مەن جاڭعىرۋعا نەگىزدەلگەن كەلەلى جيىننىڭ ءماندى تىركەسى - «ادال ادام – ادال ەڭبەك – ادال تابىس» بولدى. كەيىنگى كەزدە ۇنەمى ايتىلىپ جۇرگەن «ادال» سوزىنە جان-جاقتى توقتالعان مەملەكەت باسشىسى ەڭ ءبىرىنشى اۋىزبىرشىلىككە شاقىردى. يدەولوگيالىق تۇجىرىمدامانىڭ نەگىزگى باعىتتارىن تارقاتىپ ايتىپ بەردى.
تاعى دا ءبىر قايتالاپ وتەيىن: بۇل – تاۋەلسىزدىك جانە وتانشىلدىق، بىرلىك جانە ىنتىماق، ادىلدىك جانە جاۋاپكەرشىلىك، زاڭ جانە ءتارتىپ، ەڭبەكقورلىق جانە كاسىبي بىلىكتىلىك، جاسامپازدىق جانە جاڭاشىلدىق. ۇلتىمىز وسى يدەيالىق نەگىزدەردى باسشىلىققا السا، بولجاۋسىز جانە قارقىندى دامىپ كەلە جاتقان ءححى عاسىردا لايىقتى ورنىن تابادى. قاعيدامىز – ادىلدىك، تىرەگىمىز – جاۋاپكەرشىلىك، ماقساتىمىز – ورلەۋ. ەلىمىز وسى قۇندىلىقتاردى بەرىك ۇستانا وتىرىپ، دامۋ كوكجيەگىن ءسوزسىز كەڭەيتە تۇسپەك. ال ءاربىر ادال ادام ادال ەڭبەگىمەن ادال تابىسقا جەتەدى، – دەدى قاسىم-جومارت توقايەۆ.
دانيار بايجۇمانوۆ،
جامبىل اتىنداعى قازاق مەملەكەتتىك اكادەميالىق
فيلارمونياسىنىڭ كوركەمدىك جەتەكشىسى
