شقو اكىمى ريددەردە 18 جاسار جىگىتتىڭ ولىمىنە اكەلىپ سوقتىرعان جول اپاتىنا قاتىستى پىكىر ءبىلدىردى. اپات بارىسىندا جەڭىل كولىكتە قۋات تۋمابايەۆ بولعان.
دانيال احمەتوۆ كەڭەيتىلگەن وتىرىستا جاڭا قالا اكىمىن تاعايىنداۋ تۋرالى ءسوز قوزعادى. ول تۋمابايەۆتىڭ ءوز ەركىمەن وتستاۆكاعا ارىز جازۋى كەرەكتىگىن ايتىپ، جاڭا اكىمنىڭ كەلەتىنىنە سەنىمىن ءبىلدىردى.
«مەنىڭ ويىمشا اكىم قۋات تۋمابايەۆ مورالدىق تۇرعىدان جوعارى لاۋازىم يەلەنۋگە لايىقتى ەمەس. مەن وعان ءوز ەركىمەن ارىز جازىپ، ورنىنان كەتۋ تۋرالى ۇسىنىس جاسادىم. جاقىن ارادا جاڭا اكىممەن كەزدەسەمىز دەگەن ويدامىن»، - دەپ ايتتى شقو-نىڭ اكىمى دانيال احمەتوۆ.
ايتا كەتەيىك، ريددەر اكىمىنىڭ بۇرىنعى ورىنباسارى جاساعن قىلمىسى ءۇشىن ءبىر جىلعا باس بوستاندىعىنان ايىرىلعان بولاتىن.
پروكۋرور سوتتىڭ بۇل شەشىمىمەن كەلىسپەي، بەس جىل اباقتىعا قاماۋدى سۇرادى. دەگەنمەن سوت شەشىمى وزگەرىسسىز قالدى. قايتىس بولعان بالانىڭ اتا-اناسى اكىم ورىنباسارىنا كەشىرىم بەردى.
