SHQO ákimi Rıdderde 18 jasar jigittiń ólimine ákelip soqtyrǵan jol apatyna qatysty pikir bildirdi. Apat barysynda jeńil kólikte Qýat Týmabaev bolǵan.
Danıal Ahmetov keńeıtilgen otyrysta jańa qala ákimin taǵaıyndaý týraly sóz qozǵady. Ol Týmabaevtyń óz erkimen otstavkaǵa aryz jazýy kerektigin aıtyp, jańa ákimniń keletinine senimin bildirdi.
«Meniń oıymsha ákim Qýat Týmabaev moraldyq turǵydan joǵary laýazym ıelenýge laıyqty emes. Men oǵan óz erkimen aryz jazyp, ornynan ketý týraly usynys jasadym. Jaqyn arada jańa ákimmen kezdesemiz degen oıdamyn», - dep aıtty SHQO-nyń ákimi Danıal Ahmetov.
Aıta keteıik, Rıdder ákiminiń burynǵy orynbasary jasaǵn qylmysy úshin bir jylǵa bas bostandyǵynan aıyrylǵan bolatyn.
Prokýror sottyń bul sheshimimen kelispeı, bes jyl abaqtyǵa qamaýdy surady. Degenmen sot sheshimi ózgerissiz qaldy. Qaıtys bolǵan balanyń ata-anasy ákim orynbasaryna keshirim berdi.
