وليمپيادا چەمپيونى, قازاقستاندىق بوكسشى دانييار ەلەۋسٸنوۆ ماس كٷيٸندە كٶلٸك جٷرگٸزٸپ, جول اپاتىنا تٷسكەن وقيعادان كەيٸن العاش رەت ٸشٸمدٸككە تەۋەلدٸلٸگٸ تۋرالى مەلٸمدەمە جاسادى. سپورتشى بۇل مەسەلەمەن كٷرەسٸپ جاتقانىن ايتىپ, قوعامدى مۇنداي جاعدايدى مازاق ەتپەۋگە شاقىردى, دەپ حابارلايدى dalanews.kz.
دانييار ەلەۋسٸنوۆ Instagram پاراقشاسىندا ۆيدەوٷندەۋ جارييالاپ, سوڭعى ۋاقىتتا ٶزٸنە باعىتتالعان سىن-پٸكٸرلەرگە جاۋاپ بەردٸ.
بوكسشى وليمپيادادان كەيٸن الكوگولگە ەۋەستەنە باستاعانىن جاسىرماي, بۇل مەسەلەنٸڭ ونىڭ ٶمٸرٸندەگٸ كٷردەلٸ سىناقتاردىڭ بٸرٸنە اينالعانىن ايتتى.
«يە, مەن ونى مويىندايمىن. وليمپيادادان كەيٸن الكوگولگە تەۋەلدٸلٸك پايدا بولدى. ونىڭ قالاي باستالعانىن ٶزٸم دە ناقتى تٷسٸندٸرە المايمىن. بۇل كٷلەتٸن نەرسە ەمەس. باسىنان ٶتپەگەن ادام ونى تٷسٸنبەۋٸ مٷمكٸن. جاس كەزٸمدە مەن دە مۇنداي جاعدايلارعا جەڭٸل قارايتىنمىن. بٸراق ٶمٸردە ەركٸم تٷرلٸ سىناققا تاپ بولادى. قازٸر مەن وسى مەسەلەمەن كٷرەسٸپ جاتىرمىن», – دەدٸ سپورتشى.
ەلەۋسٸنوۆ ادامداردى ٶزگەنٸڭ قيىن جاعدايىن كەلەكە ەتپەۋگە شاقىرىپ, كەز كەلگەن ادامنىڭ ٶمٸرٸندە اۋىر كەزەڭدەر بولۋى مٷمكٸن ەكەنٸن اتاپ ٶتتٸ.
ەسكە سالايىق, شٸلدە ايىندا دانييار ەلەۋسٸنوۆ استانادا ماس كٷيٸندە كٶلٸك باسقارعانى ٷشٸن جاۋاپقا تارتىلعان بولاتىن. پوليتسييا مەلٸمەتٸنشە, Toyota اۆتوكٶلٸگٸن جٷرگٸزگەن سپورتشى بٸر ساپار بارىسىندا بٸرنەشە جول-كٶلٸك وقيعاسىنا سەبەپكەر بولعان.
كەيٸن سوت شەشٸمٸمەن بوكسشى 20 تەۋلٸككە ەكٸمشٸلٸك قاماۋعا الىنىپ, جەتٸ جىل مەرزٸمگە كٶلٸك جٷرگٸزۋ قۇقىعىنان ايىرىلدى. سپورتشى 29 شٸلدەدە بوستاندىققا شىقتى.
