دانا نۇرجٸگٸت: «اناممەن ەڭگٸمەمٸز جاراسپايدى»
«انامنىڭ ٷيٸندە ٷنەمٸ «اسىل ارنا» قوسۋلى تۇرادى. ول كٸسٸنٸڭ نامازعا جىعىلىپ, ورازا ۇستاعانىنا كٶپ جىل بولدى. الماتىداعى جاندوسوۆ پەن روزىباكيەۆ قيىلىسىنداعى مەشٸتتە كٷنٸ-تٷنٸ دۇعا جاسايدى, اراب تٸلٸنٸڭ ساباعىنا بارادى. 38 جاسىندا جەسٸر قالعان جالعىز باستى ەيەلدٸڭ ٶمٸردەگٸ تٸرەگٸ وسى بوپ تۇر. بٸراق, مەنٸڭ ايتايىن دەگەنٸم بۇل ەمەس. كٶزبەن كٶرٸپ وتىرعانىم مەنٸ قاتتى الاڭداتادى. «اسىل ارنا» دا, مەشٸتتەگٸ يمامدار دا شىنايى ٶمٸردەن ٶتە الشاق-اۋ...», – دەپ جازادى جۋرناليست.
ونىڭ ايتۋىنشا, رەسپۋبليكا دەڭگەيٸندە تەرروريستٸك قاۋٸپتٸڭ سارى دەڭگەيٸ جارييالانعاندا, اناسى بۇل تۋرالى مٷلدە بەيحابار بولىپ شىققان. وسى ورايدا حالىقتى سابىرعا شاقىرىپ, دٸني ساۋاتتى اشۋدا ارقا سٷيەيتٸن جالعىز ارنا دا «لەم-ليم» دەمەگەن. وسىدان بارىپ باق ٶكٸلٸ بٸر سالادا بٸتە قايناسقان ەرٸپتەستەرٸنٸڭ جۇمىسىن سىنعا الدى.
«اسىل ارنانى» كٶرٸپ وتىرىپ بايقايمىن, ولاردىڭ باعدارلاماسى بٷگٸنگٸ كٷننٸڭ تالابىنا ساي ەمەس. اقتٶبەدەگٸ وقيعادان ەشقانداي ساباق الماعان, ەتەك جەڭٸن جيماعان. حابارلارى سول كٷيٸنشە, جايبىراقات, سولىڭقى كٷيدە جٷرٸپ جاتىر. ال, مەنٸڭشە, اقتٶبە وقيعالارىنان كەيٸن بۇل ارنا بٷكٸل «سەتكاسىن» قايتا قاراپ, xابارداعى ەكپٸندٸ, نازاردى نەگە اۋدارۋ كەرەكتٸگٸن جٸتٸ باقىلاپ, مەملەكەت مٷددەسٸن, قالا بەردٸ تىنىشتىعىمىزدى قورعايتىن بٸردەن بٸر ارنا بولۋعا تيٸستٸ ەدٸ عوي», – دەپ كٷيٸنەدٸ تەلەجٷرگٸزۋشٸ.
وسى ورايدا مەشٸتتەگٸ يمامدار ٷلكەن كٸسٸلەرگە دە, جاستارعا دا قۇران سٷرەلەرٸن عانا ەمەس, سونداي-اق بۇل مەملەكەت قازٸر قانداي كەزەڭدٸ باستان ٶتكەرٸپ جاتقانىن, تٷرلٸ دٸني اعىمداردىڭ جەتەگٸندە كەتٸپ, قاتەلەسكەن مومىنداردى جولعا سالۋ جٶنٸندە سٶيلەسۋ كەرەك دەپ سانايدى ول.
«اناممەن وسى مەسەلەلەردٸ قوزعاپ تٸلدەسەيٸن دەسەم, ەڭگٸمەمٸز مٷلدە جاراسپايدى. ول كٸسٸ يە بۇل جايتتاردان xابارسىز, يە مەشٸتتەردە تەك قانا مۇسىلمان پارىزى جايلى ەڭگٸمە بولادى. الاڭداۋ, وسى جايلى ويلانۋ, جاقىندارىمەن سٶيلەسٸپ, ەڭ بٸرٸنشٸ وتباسىنا بەرٸك بولۋ جوق. قۇدايعا قۇلشىلىقتى بٸرٸنشٸ ورىنعا قويىپ, قاسىنداعى جاقىندارىن كٶرمەۋگە شاقىرا ما بٸلمەيمٸن... ٶمٸر بٶلەك, دٸن بٶلەك. ٷيدە دە بٶلەك ادام بولا باستادىق. الاڭدايمىن...», – دەپ ويىن تٷيٸندەدٸ د.نۇرجٸگٸت.
