بۇل قارجىنىڭ تەڭ جارتىسى «دامۋ» قورىنىڭ ءوز قاراجاتى بولسا، قالعان سومانى الماتى قالالىق اكىمشىلىگى ءبولدى. ناتيجەسىندە «الماتى يننوۆاسيالار» باعدارلاماسىن قارجىلاندىرۋعا قاجەتتى 1 ملرد تەڭگە قور قۇرالدى.
«دامۋ» قورى 500 ملن تەڭگە كولەمىندەگى ءبىرىنشى ترانشتى «قازكوممەرسبانككە» اۋدارىپ قويدى. شارت بويىنشا بانك 6 ايدىڭ ىشىندە الماتى قالاسىنىڭ شاعىن جانە ورتا كاسىپكەرلەرىن «الماتى يننوۆاسيالار» باعدارلاماسى اياسىندا قارجىلاندىرا باستاۋى كەرەك.
نەگىزگى تالاپتار:
كاسىپكەرلەر ءۇشىن بەلگىلەنگەن جىلدىق سىياقى مولشەرلەمەسى – 8،5%؛
ءبىر ادامنىڭ قولىنا 100 ملن تەڭگەدەن اسپايتىن سوما تيەدى؛
جاڭا قۇرال الىپ، نەگىزگى جابدىقتاردى جاڭارتۋ جانە اينالىم قاراجاتىن تولىقتىرۋ ءۇشىن 84 ايعا دەيىن بەرىلەدى.
قاراجات الماتى قالاسىندا رەسمي تىركەلگەن شاعىن جانە ورتا كاسىپكەرلىك نىساندارىن قارجىلاندىرۋعا عانا بولىنەدى.
«الماتى يننوۆاسيالار» باعدارلاماسىنا كىرەتىن سالالار:
وڭدەۋ ونەكاسىبى –كومپيۋتەر، ەلەكتروندى جانە وپتيكالىق ءونىم؛ ەلەكتر قۇرالدارى؛ وزگە سالا تىزىمىنە ەنبەگەن ماشينا جانە قۇرال-جابدىق؛ اۆتوكولىك قۇرالدارى، ترەيلەرلەر مەن جارتىلاي تىركەمەلەر ءوندىرىسى.
اقپارات جانە بايلانىس – بايلانىس، كومپيۋتەردە باعدارلامالاۋ، كەڭەس بەرۋ سەكىلدى ءتيىستى قىزمەت تۇرلەرى؛ كومپيۋتەرلىك باعدارلامالاۋ سالاسىنداعى باسقا دا قىزمەتتەر؛ اقپاراتتىق تەحنولوگيالار سالاسىنداعى كەڭەس بەرۋ قىزمەتتەرى؛ مالىمەتتەردى وڭدەپ، ورنالاستىرۋ سياقتى وزگە دە قىزمەتتەر
كاسىبي، عىلىمي جانە تەحنيكالىق قىزمەت – ساۋلەت، ينجەنەرلىك، تەحنيكالىق سىناق پەن تالداۋ سالاسى؛ عىلىمي زەرتتەۋلەر؛ باسقا دا كاسىبي، عىلىمي جانە تەحنيكالىق قىزمەتتەر.
دەنساۋلىق ساقتاۋ جانە الەۋمەتتىك قىزمەت– دەنساۋلىق ساقتاۋ سالاسى بويىنشا قىزمەت كورسەتۋ.
