«Damý» Qory «Qazkomertsbankke» 1 mlrd teńge nesie jelisin usyndy
Bul qarjynyń teń jartysy «Damý» Qorynyń óz qarajaty bolsa, qalǵan somany Almaty qalalyq ákimshiligi bóldi. Nátijesinde «Almaty innovatsiialar» baǵdarlamasyn qarjylandyrýǵa qajetti 1 mlrd teńge qor quraldy.
«Damý» Qory 500 mln teńge kólemindegi birinshi transhty «Qazkommertsbankke» aýdaryp qoidy. Shart boiynsha bank 6 aidyń ishinde Almaty qalasynyń shaǵyn jáne orta kásipkerlerin «Almaty innovatsiialar» baǵdarlamasy aiasynda qarjylandyra bastaýy kerek.
Negizgi talaptar:
Kásipkerler úshin belgilengen jyldyq syiaqy mólsherlemesi – 8,5%;
Bir adamnyń qolyna 100 mln teńgeden aspaityn soma tiedi;
Jańa qural alyp, negizgi jabdyqtardy jańartý jáne ainalym qarajatyn tolyqtyrý úshin 84 aiǵa deiin beriledi.
Qarajat Almaty qalasynda resmi tirkelgen shaǵyn jáne orta kásipkerlik nysandaryn qarjylandyrýǵa ǵana bólinedi.
«Almaty innovatsiialar» baǵdarlamasyna kiretin salalar:
Óńdeý ónekásibi –kompiýter, elektrondy jáne optikalyq ónim; elektr quraldary; ózge sala tizimine enbegen mashina jáne qural-jabdyq; avtokólik quraldary, treilerler men jartylai tirkemeler óndirisi.
Aqparat jáne bailanys – bailanys, kompiýterde baǵdarlamalaý, keńes berý sekildi tiisti qyzmet túrleri; kompiýterlik baǵdarlamalaý salasyndaǵy basqa da qyzmetter; aqparattyq tehnologiialar salasyndaǵy keńes berý qyzmetteri; málimetterdi óńdep, ornalastyrý siiaqty ózge de qyzmetter
Kásibi, ǵylymi jáne tehnikalyq qyzmet – sáýlet, injenerlik, tehnikalyq synaq pen taldaý salasy; ǵylymi zertteýler; basqa da kásibi, ǵylymi jáne tehnikalyq qyzmetter.
Densaýlyq saqtaý jáne áleýmettik qyzmet– densaýlyq saqtaý salasy boiynsha qyzmet kórsetý.
