كەش اتاۋى ايتىپ تۇرعانداي, شارانىڭ ماقساتى – ٶنەرٸ مەن ٶمٸرٸ جاراسقان ەنشٸ, ٶنەردە ٶزٸندٸك ورنى بار سەكەن مايعازيەۆتٸ جاستارعا ٷلگٸ ەتۋ, شىعارماشىلىعىمەن تانىستىرۋ, تانىمال ەنشٸمەن جاستاردى جٷزدەستٸرۋ.
وقۋ ورىن جاستارى مەن وقىتۋشىلارى قاتىسقان كەشتە ينە شانشار جەر بولمادى. ارۋلار ورداسىنىڭ قىزدارى زور قوشەمەتپەن, ەرەكشە ٸلتيپاتپەن قارسى الدى. انالار مەرەكەسٸمەن, كٶكتەم مەرەكەسٸمەن قۇتتىقتاي كەلگەن ۋنيۆەرسيتەتتٸڭ قادٸرلٸ قوناعى الدىمەن وقۋ ورىننىڭ بٸرەگەي تاريحي- ەتنوگرافييالىق «اقتۇمار» مۇراجايىن تاماشالاپ, ەستەلٸك كٸتاپقا تٸلەگٸن جازىپ, قولتاڭباسىن قالدىردى.
بٷكپەسٸز ەڭگٸمە, ريياسىز جٷزدەسۋ بولعان كەشتە ايتارى بار جاسقا جەتكەن, قاشاندا «باس كەسپەك بولسا دا, تٸل كەسپەك جوق» دەپ, شىندىقتى عانا ايتاتىن سەكەن مايعازيەۆ تەك قانا قىزدار بٸلٸم الاتىن قاراكٶز قارىنداستارىنا ٶز بٸلگەن, تٷيگەندەرٸمەن, ٶمٸردەن العان ساباقتارىمەن, سٷيٸكتٸ ۇستازدارى مەن بالالارى, جۇبايىمەن تانىستىعى تۋرالى, بالالىق شاعىمەن, ستۋدەنتتٸك كەزٸمەن, ٶمٸر جەنە ٶنەر جولىنداعى قىزىقتى وقيعالارعا تولى ەسەرلٸ ەڭگٸمەلەرٸمەن بٶلٸسٸپ, ەلٸمٸزدٸڭ ۇلت تەربيەشٸلەرٸ, ۇستاز, بولاشاق انا, بولاشاق جار بولاتىن ارۋ قىزدارعا اعالىق اقىل-كەڭەستەرٸن ايتتى. سونىمەن قاتار, جاستاردىڭ قىزىقتىرعان تولاسسىز ساۋالدارىنا ٷش ساعات بويى جالىقپاستان تۇشىمدى جاۋاپ بەردٸ.
كەزدەسۋ بارىسىندا ٶنەرٸ مەن ٶمٸرٸ جاراسقان ەنشٸ, تالايدى تامساندىرعان ەرەكشە تالانت يەسٸ ٶز رەپەرتۋارىنداعى «اسىل انا», «جىلاما ارۋ», «ارايلىم» جەنە ت.ب. ارۋلار مەن انالارعا ارنالعان ەندەرٸن جاندى تابيعي داۋىستا ورىنداپ, 8 ناۋرىز – ارۋلار مەرەكەسٸنە وراي ەننەن شاشۋ شاشىپ, مەرەكە الدىندا ٶنەرٸن قۇرمەتتەپ كەلگەن بارشا قاۋىمعا كٶتەرٸڭكٸ كٶڭٸل سىيلادى.
كەش سوڭىندا العان ەسەرٸمەن بٶلٸسكەن بەلگٸلٸ ەنشٸ سەكەن مايعازيەۆ:
– بٷگٸن جىلى شىرايلى, جىلۋلىققا تولى كەزدەسۋ بولدى. العان ەسەرٸم كەرەمەت. جيٸ-جيٸ كەلٸپ تۇرۋدى اللا نەسٸپ ەتسٸن. ەكٸ اي بۇرىن ايتىپ ەدٸ, مٸنە, بٷگٸن كٶكتەمنٸڭ العاشقى كٷنٸنە سەتٸ كەلدٸ. قىزداردىڭ مازمۇندى دا, ويلى سۇراقتارىنا ريزا بولدىم. قاسيەتتٸ قارا شاڭىراققا اينالعان ارۋلار ورداسىنا ٷلكەن تابىس تٸلەيمٸن. قىزدارىمىز اتا-انانىڭ, ۇستازدارىنىڭ سەنٸمٸن اقتاپ, يبالى, يناباتتى, يمان جٷزدٸ, «قازاق قىزى» دەگەن اتقا لايىق بولسا ەكەن. بولاشاق جار, بولاشاق انا بولاتىن ەر ارۋعا ەيەل باقىتىن تٸلەيمٸن. ادال جار تابىڭىزدار, اياۋلى انا اتانىڭىزدار, باقىتتى دا سٷيٸكتٸ بولىڭىزدار! – دەپ پاراسات مەكتەبٸندە وقيتىن قاراكٶز قارىنداستارىنا اق جٷرەكتەن شىققان تٸلەگٸن بٸلدٸردٸ.
اتاپ ٶتە كەتەيٸك, كەزدەسۋ بارىسىندا وقۋ ورىننىڭ قۇرمەتتٸ قوناعى سەكەن مايعازيەۆ قىزدار ۋنيۆەرسيتەتٸنٸڭ «قۇرمەت بەلگٸسٸ» مەدالٸمەن ماراپاتتالدى. ونى سانات ايناقۇلوۆ تابىس ەتٸپ, قادٸرلٸ قوناققا التىن ۋاقىتىن بٶلٸپ كەلگەنٸ ٷشٸن العىسىن بٸلدٸردٸ.
– مەنٸڭ سٷيٸكتٸ ەنشٸم, قازاق ەستراداسىنىڭ جارىق جۇلدىزى سەكەن مايعازيەۆپەن كەزدەسۋ ٶتكەنٸنە ٶتە قۋانىشتىمىن. تەك تەلەديداردان كٶرەتٸن ەنشٸممەن جٷزدەستٸرگەنٸ ٷشٸن ۇستازدارىما, ۇيىمداستىرۋشىلارعا ايتار العىسىم شەكسٸز. مەن سەكەننٸڭ, «مۋزارت» توبىنىڭ ەندەرٸن سٷيٸپ تىڭدايمىن. سەكەننٸڭ تىڭدارمانىمىن, جانكٷيەرٸمٸن. ونىڭ ٶمٸرٸ مەن شىعارماشىلىعىمەن جاقسى تانىسپىن. سەكەن مايعازيەۆ – ٶنەرٸمەن دە, ٶمٸرٸمەن دە جاستارعا ٷلگٸ جان. وعان بٷگٸن ايتقان تاعىلىمدى ويلارى, عيبراتتى ەڭگٸمەلەرٸ دەلەل بولا الادى. الداعى ۋاقىتتا مەيرامبەك بەسپاەۆپەن كەزدەسسەك دەپ ارماندايمىز, – دەيدٸ وقۋ ورىننىڭ 3-كۋرس ستۋدەنتٸ سەبينا قويشانوۆا.
زەينوللا اباجانوۆ
