قۋاندىق بيشٸمباەۆتىڭ وتباسى بالالارعا اليمەنت تٶلەۋدەن باس تارتقان. بۇل تۋرالى قۋاندىق بيشٸمباەۆتىڭ بۇرىنعى ەيەلٸ نازىم قاحارمان ايتتى. اقپاراتتى Tengrinews.kz جازدى, – دەپ حابارلايدى Dalanews.kz.
بۇل تۋرالى ول YouTube ارناسىندا ايتتى. ونىڭ سٶزٸنشە, اليمەنت ٷنەمٸ كەشٸكتٸرٸلٸپ تٶلەنگەن, ال اليمەنت تۋرالى كەلٸسٸمدە قاراستىرىلعان كەيبٸر شىعىن مٷلدەم ٶتەلمەگەن.
"بىلتىر دەمالىس ٷشٸن ەشقانداي اقشا تٶلەنبەدٸ. پسيحولوگتىڭ قىزمەتتەرٸ ٷشٸن دە اقى تٶلەنبەدٸ, بٸراق بٸز وعان بٸرنەشە رەت جٷگٸندٸك. مەن تٶلەگەن بارلىق سومانى عازىمجانوۆ مىرزاعا جٸبەردٸم (قۋاندىق بيشٸمباەۆتىڭ ادۆوكاتى - ەسك.), بٸراق ولار مۇنى ەلەمەدٸ. دەنساۋلىق تۋرالى ايتپاي-اق قويايىن, دەرٸگەرگە كٶرٸنگەنٸمٸز, دەرۋمەندەر, دەرٸ-دەرمەكتەر تٶلەنبەدٸ", - دەدٸ ول.
ول 2020 جىلى اجىراسۋ كەزٸندە اليمەنت تۋرالى كەلٸسٸم جاسالعانىن جەتكٸزدٸ. ونىڭ ايتۋىنشا, قۋاندىق بيشٸمباەۆ الدىمەن قارجىلىق جاۋاپكەرشٸلٸكتٸ ٶز موينىنا الۋعا دايىن ەكەنٸنە سەندٸرگەن, بٸراق كەيٸن بۇل تۋرالى ونىڭ ادۆوكاتىنا ٷنەمٸ ەسكە سالىپ وتىرۋعا تۋرا كەلٸپتٸ.
"ناۋرىزدا اليمەنت تٶلەنبەدٸ. ازدى-كٶپتٸ جٷيەلٸ تٷردە تٶلەمدەر بىلتىر قاراشا-جەلتوقساندا عانا تٷسە باستادى", - دەدٸ نازىم قاحارمان.
ايتا كەتەيٸك, نازىم قاحارمان مەلٸمدەمە جاساعان ۆيدەو 28 ناۋرىزدا تٷسٸرٸلگەن. پٸكٸرلەردەن كەيٸن ەكراندا مىناداي حابارلاما پايدا بولادى: "30 ناۋرىزدا ماعان بيشٸمباەۆتار وتباسىنىڭ ادۆوكاتى حابارلاسىپ, ولار اليمەنت تٶلەۋدەن مٷلدەم باس تارتاتىنىن ايتتى".
نازىم قاحارمان قۋاندىق بيشٸمباەۆپەن 14 جىل رەسمي نەكەدە بولدى. ەرلٸ-زايىپتى 2020 جىلى اجىراسقان ەدٸ. ولاردىڭ ٷش بالاسى بار.
