Qýandyq Bıshimbaevtyń otbasy balalarǵa alıment tóleýden bas tartqan. Bul týraly Qýandyq Bıshimbaevtyń burynǵy áıeli Nazym Qaharman aıtty. Aqparatty Tengrinews.kz jazdy, – dep habarlaıdy Dalanews.kz.

Bul týraly ol YouTube arnasynda aıtty. Onyń sózinshe, alıment únemi keshiktirilip tólengen, al alıment týraly kelisimde qarastyrylǵan keıbir shyǵyn múldem ótelmegen.

"Byltyr demalys úshin eshqandaı aqsha tólenbedi. Psıhologtyń qyzmetteri úshin de aqy tólenbedi, biraq biz oǵan birneshe ret júgindik. Men tólegen barlyq somany Ǵazymjanov myrzaǵa jiberdim (Qýandyq Bıshimbaevtyń advokaty - esk.), biraq olar muny elemedi. Densaýlyq týraly aıtpaı-aq qoıaıyn, dárigerge kóringenimiz, dárýmender, dári-dármekter tólenbedi", - dedi ol.

Ol 2020 jyly ajyrasý kezinde alıment týraly kelisim jasalǵanyn jetkizdi. Onyń aıtýynsha, Qýandyq Bıshimbaev aldymen qarjylyq jaýapkershilikti óz moınyna alýǵa daıyn ekenine sendirgen, biraq keıin bul týraly onyń advokatyna únemi eske salyp otyrýǵa týra kelipti.

"Naýryzda alıment tólenbedi. Azdy-kópti júıeli túrde tólemder byltyr qarasha-jeltoqsanda ǵana túse bastady", - dedi Nazym Qaharman.

Aıta keteıik, Nazym Qaharman málimdeme jasaǵan vıdeo 28 naýryzda túsirilgen. Pikirlerden keıin ekranda mynadaı habarlama paıda bolady: "30 naýryzda maǵan Bıshimbaevtar otbasynyń advokaty habarlasyp, olar alıment tóleýden múldem bas tartatynyn aıtty".

Nazym Qaharman Qýandyq Bıshimbaevpen 14 jyl resmı nekede boldy. Erli-zaıypty 2020 jyly ajyrasqan edi. Olardyń úsh balasy bar.