جەبٸرلەنۋشٸ تاراپتىڭ ادۆوكاتى جاننا ورازباحوۆا ەكس-مينيستر قۋاندىق بيشٸمباەۆقا قاتىستى ٷكٸم قاشان شىعۋى مٷمكٸن ەكەنٸن ايتتى, - دەپ حابارلايدى Dalanews.kz.
ورازباحوۆانىڭ سٶزٸنشە, بٷگٸن ٷكٸم شىعۋ ىقتيمالدىعى - 70-كە 30 پايىز.
"مۇنىڭ بەرٸ (سۋديا - ەسك.) كەڭەسۋ بٶلمەسٸندە قانشا ۋاقىت بولاتىنىنا بايلانىستى. داۋىستاردى سانايدى. داۋىستاردى ساناعاننان كەيٸن سۋديا ٷكٸمدٸ, قارار بٶلٸگٸن جازادى. ياعني, بۇل دا بەلگٸلٸ بٸر ۋاقىت الادى", - دەپ تٷسٸندٸردٸ ول.
ايتا كەتەيٸك, استانا قالاسىنىڭ مامانداندىرىلعان اۋدانارالىق سوتىندا قۋاندىق بيشٸمباەۆقا قاتىستى قىلمىستىق ٸس بويىنشا بٸرنەشە سوت وتىرىسى ٶتتٸ. ونى دٷيٸم جۇرت جوعارعى سوتتىڭ YouTube ارناسىنان ونلاين قارادى.
ازاماتتىق نەكەدەگٸ ەيەلٸ سالتانات نٷكەنوۆانى ٶلتٸردٸ دەگەن ايىپپەن سوتتالىپ جاتقان ەكس-مينيستر قۋاندىق بيشٸمباەۆتى ادۆوكات لەيلا رامازانوۆا, نازكەن قۇسايىنوۆا, ەرلان عازىمجانوۆتار قورعاپ جاتىر.
ال مارقۇم سالتانات نٷكەنوۆانىڭ اعاسى ايتبەك امانگەلدٸ مەن ونىڭ وتباسىنىڭ ادۆوكاتتارى – جاننا ورازباحوۆا مەن ەلييا وماروۆا.
27 ناۋرىزدا ەكس-مينيستر قۋاندىق بيشٸمباەۆتىڭ ٸسٸ بويىنشا القابيلەر تاڭدالعان ەدٸ. القابيلەر القاسىنا 12 ادام ٸرٸكتەلدٸ: 10 – نەگٸزگٸ قۇرام, 2 – قوسالقى. سودان كەيٸن اشىق سوت وتىرىستارى باستالدى.
سونىمەن قاتار, قۋاندىق بيشٸمباەۆ سوتتا سالتانات نٷكەنوۆانى اسا قاتىگەزدٸكپەن ٶلتٸرگەنٸن مويىندامادى. بۇل وقيعا 2023 جىلى 9 قاراشادا استانا قالاسىنداعى BAU مەيرامحاناسىندا بولدى.
بيشٸمباەۆقا ەكٸ باپ بويىنشا ايىپ تاعىلدى:
- اسا قاتىگەزدٸكپەن كٸسٸ ٶلتٸرۋ (15 جىلدان 20 جىلعا دەيٸن نەمەسە ٶمٸر بويىنا باس بوستاندىعىنان ايىرۋ);
- قيناۋ (4 جىلدان 7 جىلعا دەيٸن باس بوستاندىعىن شەكتەۋ نەمەسە وسى مەرزٸمگە باس بوستاندىعىنان ايىرۋ).
