ەيەلٸن ۇرىپ ٶلتٸردٸ دەگەن اۋىر ايىپ تاعىلىپ وتىرعان ەكس-مينيستر قۋاندىق بيشٸمباەۆتىڭ اتىشۋلى ٸسٸ بويىنشا كەشە الدىن الا تىڭداۋدىڭ ەكٸنشٸ كٷنٸ ٶتتٸ. سوت وتىرىسى بارىسىندا ماڭىزدى مەلٸمدەمە جاسالدى.
سۋديا ايجان قۇلباەۆا سوتتالۋشى بيشٸمباەۆتىڭ ٶتٸنٸشٸ قاناعاتتاندىرىلاتىنىن, ياعني بۇل ٸسكە القابيلەر دە قاتىساتىنىن مەلٸمدەدٸ. ال قوعامدا القابيلەر سوتىنا كٷمەن دە, كٷدٸك تە باسىم. كٶپشٸلٸك اراسىندا "بيشٸمباەۆتىڭ جاقىندارى القابيلەردٸ ساتىپ الماي ما?" دەگەن پٸكٸر دە بار. مەجٸلٸس دەپۋتاتى, زاڭگەر ابزال قۇسپان بۇل الاڭداۋشىلىققا ەشقانداي سەبەپ جوق ەكەنٸن مەلٸمدەدٸ, - دەپ حابارلايدى Dalanews.kz.
مەجٸلٸستە جۋرناليستەردٸڭ سۇراقتارىنا جاۋاپ بەرگەن ابزال قۇسپان القابيلەر سوتىنىڭ مەنٸن تٷسٸندٸردٸ. ونىڭ سٶزٸنشە, القابيلەر قۇرامىن ٸرٸكتەۋ سوت پروتسەسٸنە قاتىسۋشىلاردىڭ بەرٸنٸڭ قاتىسۋىمەن ٶتەدٸ. بۇل دەگەنٸمٸز - جەبٸرلەنۋشٸ تاراپ, سوتتالۋشى تاراپ, ادۆوكاتتار. مەسەلەن, 25 ادام بولسا, ٸشٸنەن 12 ادام تاڭدالادى. ون ادامى القابيلەر قۇرامىنا كٸرەدٸ دە, قالعان ەكٸ ادام تٷرلٸ جاعدايلاردا ورنىن الماستىرادى.
بۇدان بٶلەك زاڭگەر القابيلەر قۇرامىنا ٸرٸكتەۋدە تٷرلٸ پرينتسيپ قاراستىرىلاتىنىن ايتتى.
سونىمەن قاتار, 10 القابيدٸڭ التاۋى اقتاسا, سوتتالۋشى بوساپ شىعۋى دا مٷمكٸن ەكەن.
"كٸنەلٸ, كٸنەسٸز دەگەن مەسەلە كٶپشٸلٸك داۋىسپەن شەشٸلەدٸ. قولدانىستاعى زاڭ بويىنشا 10 القابيدٸڭ التاۋى كٸنەسٸز دەيتٸن بولسا, اقتالادى. سۋديا مۇنداي جاعدايدا تيٸستٸ سوت ٷكٸمٸن دايىنداۋعا مٸندەتتٸ", - دەدٸ ول.
دەپۋتات قازاقستاندا ەلٸ دە القابيلەر سوتى دامىماعانىن, سوندىقتان جۇمىس توبىندا كٶپتەگەن ٶزگەرٸس ەنگٸزۋ قاراستىرىلىپ وتىرعانىن مەلٸمدەدٸ.
"بٸرٸنشٸدەن, القابيلەر سوتىندا قارالاتىن قىلمىستىق ٸستەردٸڭ ساناتىن كەڭەيتۋ مەسەلەسٸ تۇر. ...قازٸرگٸ تاڭدا القابيلەر سوتىندا قارالتىن قىلمىستىق ٸستەر ٶتە از", - دەدٸ زاڭگەر.
ابزال قۇسپان قوعامدى الاڭداتقان باستى سۇراققا دا جاۋاپ بەردٸ.
"مەنٸڭ ويىمشا, الاڭداۋعا ەشقانداي نەگٸز جوق. نەگە? القابيلەر دەگەنٸمٸز - ول دا وسى قوعامنىڭ ٶكٸلٸ. بۇل جەردە كەسٸبي سۋديا قاتىسادى. ون سۋديانىڭ بٸرٸ - كەسٸبي سۋديا, قالعانى القابيلەر قۇرامىندا. سۇراعىڭىزدىڭ تٶركٸنٸندە سىبايلاس جەمقورلىققا اپارىپ سوقتىرماي ما, قانداي دا بٸر جولمەن ساتىپ الۋ دەگەن سٶزدٸ ايتىپ وتىرسىز. بٸر ادامدى ساتىپ العان وڭاي ما, ون ادامدى ساتىپ العان وڭاي ما? قاراپايىم سۇراق. بٸر سۋدياعا سەنبەيتٸن بولساق, القابيلەرگە دە سەنبەيتٸن بولساق, ٷكٸمدٸ كٸم شىعارۋى كەرەك? قوعامنىڭ نازارىندا بولعاندىقتان, ەدٸلەتتٸ سوت اكتٸسٸ شىعاتىنىنا ٶز باسىم تولىق سەنەمٸن", - دەدٸ ول.
ايتا كەتەيٸك, مەجٸلٸس بٷگٸن القابيلەر سوتىنا قاتىستى ماڭىزدى اقپاراتتاردى جارييالادى. مەلٸمەتكە سٷيەنسەك, القابيلەر سوتىندا شەشٸمدٸ كەڭەسۋ بٶلمەسٸندە سۋديانىڭ قاتىسۋىنسىز 11 القابي قابىلدايدى.
"قىلمىستىق ٸس القابيلەردٸڭ قاتىسۋىمەن قارالىپ, سوڭىندا القابيلەر كەڭەسۋ بٶلمەسٸندە قالادى.
دەپۋتاتتار ٸستٸ قاراپ وتىرعان سۋديا القابيلەرمەن بٸر بٶلمەدە قالماۋى كەرەك دەگەن نورمانى ەنگٸزٸپ وتىر. سۋديا ٶزٸنٸڭ كابينەتٸندە وتىرۋى كەرەك, القابيلەر سۋدياسىز شەشٸم قابىلداپ, سول حاتتامانى كەسٸبي سۋدياعا تابىس ەتٸپ, سول بويىنشا ول شەشٸم شىعارۋى قاجەت.
بۇل نورما ازاماتتاردىڭ قۇقىعىن قورعاۋعا باسىمدىق بەرۋ ماقساتىمەن ەنگٸزٸلٸپ وتىر", - دەپ جازىلعان مەجٸلٸستٸڭ باسپاسٶز قىزمەتٸ اقپاراتىندا.
ايتا كەتەيٸك, كەشە سوت قۋاندىق بيشٸمباەۆتىڭ ٸسٸن پروكۋرورعا قايتارۋدان باس تارتتى.
ەسكە سالايىق, بىلتىر قۋاندىق بيشٸمباەۆ ەيەلٸ سالتانات نٷكەنوۆانى ٶلتٸردٸ دەگەن كٷدٸكپەن قاماۋعا الىنعان ەدٸ. وقيعا 2023 جىلى 9 قاراشادا استانا قالاسىنداعى BAU مەيرامحاناسىندا بولدى.
