سوندىقتان شىعار الماتىلىقتاردىڭ كٶپشٸلٸگٸ قىستى مۇرنى بٸتٸپ, كٶزٸ جاساۋراپ تۇماۋمەن قارسى الادى. مۇندايدا ەلٸ مەسليحات دەپۋتاتتارى مەن ەكٸمنٸڭ ۋەدەلٸ مەرزٸمٸ بەيگە اتىنداي جەتكٸزبەي قوياتىنى جاسىرىن ەمەس. بۇل جىلدا قايتالاناتىن (كەڭ بايتاق ەلٸمٸزدٸڭ بارلىق جەرٸندە سولاي شىعار) جايت قوي.
مەڭگٸ ەلدٸڭ پۇشپاعىنان قىلىشىن سٷيرەتٸپ قىس كەلگەن سەتتە جىلۋدى ەسكەردەگٸ عاشىعىن كٷتكەن بويجەتكەندەي زارىعا كٷتەتٸنٸمٸز راس. نەگە بۇلاي? مٷمكٸن بٸزدٸڭ بيلٸك قارا حالىق جىلۋدىڭ قادٸرٸن بٸلسٸن دەپ وسىلاي ٸستەيتٸن شىعار?
قىركٷيەكتٸڭ اياعىندا ەلٸمٸزدەگٸ قالا مەن اۋدانداردىڭ ەكٸمدەرٸ بٸر-بٸرٸمەن جارىسىپ, قىسقى جىلىتۋ ماۋسىمىنا دايىن ەكەندەرٸن ايتىپ جاتادى. ال كٶشەدە جاعداي باسقاشا. ٸرٸ قالالاردا كوممۋنالدىق جىلىتۋ قۇبىرلارىن جٶندەۋ جۇمىستارى قار تٷسٸپ, جەردٸڭ بەتٸنە توڭ باسقانعا دەيٸن جالعاسادى. بۇعان دە ەتٸمٸز ٷيرەنگەن. جٶندەۋ جۇمىستارى قاقاعان قىستىڭ ورتاسىنا دەيٸن جٷرسە, تٷسٸنٸستٸكپەن... قارايتىن جاعدايعا جەتتٸ قوي, نەسٸن ايتاسىز?!
جالپى, نارىقتىق قوعامنىڭ بٸر تالابى كەز كەلگەن ەكٸمدٸك, كەسٸپكەرلٸك نىسان بولسىن ٶزٸنٸڭ جۇمىسىنا شىعارماشىلىقپەن قاراۋ كەرەك. سول كەزدە جۇمىس جاندانىپ, العا باسادى. ايتالىق, الماتىدا جىلۋدى 15 قازاندى كٷتپەي-اق ەرتە بەرۋگە نە كەدەرگٸ? وسى ارالىقتا قانشاما ادام تۇماۋراتىپ, قانشالىقتى شىعىندالادى دەسەڭٸزشٸ. ەرينە, بۇل دەرٸحانالار ٷشٸن پايدالى بولعانىمەن, تۇتاس قالانىڭ ەكونوميكاسىمەن ٶلشەم جاساساق قىپ-قىزىل شىعىن.
ال شەندٸلەرٸمٸز بولسا قاعازباستىلىققا سالىنىپ, حالىقتى بٷرسەڭدەتٸپ قوياعا قۇمار. قاعازباستىلىق دەمەكشٸ, سۋىق تٷسكەن قازان ايىندا كٶشەدە دٸردەكتەپ تۇرساڭىز الدىڭىزدان الاۋ قىزىل تٷسكە بويالعان كوممۋنالدىق مەكەمەنٸڭ سۋ شاشاتىن اباجاداي كٶلٸگٸ كٶشەنٸڭ "شاڭىن باسۋ" ٷشٸن (جەرگە توڭ جٷرٸپ قويعالى قاشان) سۋ شاشىپ جانىڭىزدان ٶتە شىققاندان "مىنا شوپىردىڭ اقىلى كەم بە?" دەپ جول جيەگٸنەن قاشا جٶنەلەسٸز.
ارتىنان سەل ويلانىساڭىز, كوممۋنالدىق مەكەمە ەكٸمدٸكپەن بەلگٸلٸ مەرزٸمگە دەيٸن قالا كٶشەلەرٸنٸڭ شاڭىن باسىپ, سۋ شاشۋ ٷشٸن كەلسٸم-شارتقا تۇرعانى ەسٸڭٸزگە تٷسەدٸ. ولار بٸر تٷيٸر شاڭ كٶكتەمگە دەيٸن اۋاعا كٶتەرٸلمەيتٸنٸن بٸلسە دە, سۋ شاشۋعا مەجبٷر. ەگەر شاشپاسا قازىنا قارجىسىن قول سالعان جەمقور بولىپ شىعا كەلۋٸ مٷمكٸن. مۇندايدا كوممۋنالدىق مەكەمەلەر كٶشەدە سۋ ەمەس, سالىق تٶلەۋشٸلەردٸڭ اقشاسىن شاشىپ جٷرگەندەي ەسەر ەتەدٸ.
بٸزدٸڭ ايتپاعىمىز نە? جالپى قالاعا جىلۋ بەرۋ, كٶشەگە سۋ شاشۋ بۇل اۋا-رايىنا بايلانىستى دٷنيە عوي. سوندىقتان بۇل مەسەلە تالقىعا تٷسكەندە ەكٸمدٸكتەردٸڭ جانىنداعى كوممۋنالدىق شارۋاشىلىق سالاسىنا جاۋاپتى باسشىلار جانعا جايلى كابينەتتەرٸنەن شىعىپ, اۋا-رايىن باقىلاپ, "قازگيدرومەتكە" حابارلاسىپ شەشٸم قابىلداسا, ولاردىڭ ٶز جۇمىسىنا شىعارماشىلىقپەن قاراعان بولار ەدٸ.
ال بٸزدٸڭ شەندٸلەر بولسا, كەڭەس زامانىنداعى ەسكٸ قۇجاتتاردى تاۋىپ الىپ, سونىڭ نەگٸزٸندە شەشٸم قابىلدايدى. بۇدان كەيٸن ول زامان مەن ۋاقىتقا ٷيلەسپەي جۇرتتىڭ سىنىنا قالىپ جاتقانى. وسىدان كەيٸن بيلٸك پەن حالىقتىڭ اراسى الىستاي بەرەدٸ, الىستاي بەرەدٸ. سونى بٸلەسٸزدەر مە?
نۇرلان جۇماحان
(جازبا اۆتوردىڭ فەيسبۋكاتاعى پاراقشاسىنان الىندى)
