ەلٸمٸزدە قۇباندىق شالۋ ٷشٸن قازاقستاندىقتارعا قانشا قاراجات قاجەت? ەت قىمباتتاعاندىقتان, قويدىڭ ەڭ تٶمەن باعاسى 60 مىڭنان باستالسا, ەڭ قىمبات مال تٷيە ٷشٸن 1 ميلليون 100 مىڭ تەڭگە كەرەك ەكەن, دەپ حابارلايدى Dalanews.kz Stan.kz-كە سٸلتەپ.
بيىل ناۋرىزدا ەلٸمٸزدە ەت 2%-دان اسا قىمباتتادى. ال مال باعاسى بىلتىرمەن سالىستىرعاندا بيىل 14,5 پايىزعا ٶسكەن. قۇربان ايتقا قاراي مال بازارلارىنىڭ ساۋداسى جٷرٸپ, باعا ٷستەمەلەنە تٷسەرٸ انىق.
ولاردىڭ ٸشٸندە قۇربان ايتتا ەڭ كٶپ سۇرانىستاعى تٷلٸكتەردٸڭ بٸرٸ قوي:
- توقتى – 60-70 مىڭ تەڭگەدەن باستالادى;
- قوي, ٸسەك, قوشقار – 80 مىڭ تەڭگەدەن جوعارى باعالانعان.
قازاقستان مۇسىلماندار دٸني باسقارماسى ٶڭٸرلەردەگٸ مال باعاسىن ەسەپتەپتٸ. مۇندا ەڭ قىمباتى: قوي – 100 مىڭ تەڭگە; سيىر – 700 مىڭ تەڭگە, تٷيە – 1 100 000 تەڭگەگە دەيٸن باعالانعان.
قۇربان ايت قارساڭىندا تٸپتٸ بازارلاردا ساۋداگەرلەرمەن باعانى كەلٸسەتٸن دەلدالداردىڭ دا قىزمەتٸ قىزا تٷسەدٸ. جەلٸدە تاراعان ۆيدەو استىنداعى جازبالارعا قاراساق, ولار تٸپتٸ مال باعاسىن 40-50 مىڭ تەڭگەگە دەيٸن تٷسٸرٸپ بەرەدٸ ەكەن.
قۇرباندىق شالۋعا قاراجاتى بولسا دا, دەنساۋلىق جاعدايى كەلمەسە نەمەسە بەلگٸلٸ بٸر سەبەپتەرمەن ٶزٸ بارىپ بۇل مٸندەتتەردٸ ورىنداي الماسا, ازاماتتار اقشاسىن اۋدارىپ, ونلاين تٷردە قۇرباندىق شالا الادى.
“بيىل دا ەلٸمٸزدە قۇربان شالۋ ونلاين جەنە وففلاين فورماتتا ٶتەدٸ. دٸني باسقارما حالىققا قولايلى جاعداي جاساۋ ماقساتىندا قۇربان شالۋ رەسٸمٸن قاشىقتان ٶتكٸزۋگە ارنالعان qurban.muftyat.kz سايتىن ٸسكە قوستى. دٸنٸمٸزدە قۇرباندىق شالۋ رەسٸمٸن باسقا بٸرەۋگە تاپسىرىپ, ونى ٶكٸل ەتە الادى. ەگەر ٶزٸ بارا الماسا, بٸر كٸسٸگە ٶتٸنٸش جاساپ, قۇربان شالۋعا رۇقسات ەتٸلگەن. دەمەك ونلاين فورماتتا قۇربان شالۋعا تاپسىرىس بەرە الاسىزدار”, — دەدٸ باس مٷفتي قمدب-دا ٶتكەن باسپاسٶز مەسليحاتىندا.
