بيىل ەڭبەك جانە حالىقتى الەۋمەتتىك قورعاۋ مينيسترلىگى تاريحي وتانىنا قونىس اۋدارعىسى كەلەتىن ەتنيكالىق قازاقتارعا 2281 كۆوتا ءبولدى، دەپ حابارلايدى Dalanews.kz.
مەملەكەت باسشىسى تۇركىستان گازەتىنە بەرگەن سۇقباتىندا قانداستاردىڭ ەلگە ورالۋىن قولدايتىنىن اتاپ ءوتتى. ولاردىڭ قوعامعا بەيىمدەلۋىنە ەرەكشە نازار اۋدارۋ كەرەگىن جەتكىزدى.
بۇگىندە اتاجۇرتقا ورالعان قانداستاردى قولداۋ ماقساتىندا بىرنەشە الەۋمەتتىك كومەك بەرىلەدى.
جات جەردە جۇرگەن قازاقتاردى قولداۋ ءىسى دە نازاردان تىس قالماعان. انا ءتىلىن، ءتول مادەنيەتىن، ۇلتتىق بولمىسىن ساقتاۋ ءۇشىن وتانداستار قورى ولارمەن بايلانىس ورناتىپ، اقپاراتتىق، گۋمانيتارلىق قولداۋ كورسەتىپ كەلەدى. ەلدەگى مۇمكىندىكتەر تۋرالى جان-جاقتى مالىمەت ۇسىنادى. ايتا كەتەيىك، ءقازىر الەمنىڭ 40-تان استام ەلىندە 5 ملن-عا جۋىق ەتنيكالىق قازاق ءومىر سۇرەدى. بۇل تۋرالى وتانداستار قورىنىڭ باسپا ءسوز حاتشىسى الجان شاريپوۆ ايتتى.
