Biyl eńbek jáne halyqty áleýmettik qorǵaý ministrligi tarihi otanyna qonys aýdarǵysy keletin etnikalyq qazaqtarǵa 2281 kvota bóldi, dep habarlaidy Dalanews.kz.
Memleket basshysy Túrkistan gazetine bergen suqbatynda qandastardyń elge oralýyn qoldaitynyn atap ótti. Olardyń qoǵamǵa beiimdelýine erekshe nazar aýdarý keregin jetkizdi.
Búginde atajurtqa oralǵan qandastardy qoldaý maqsatynda birneshe áleýmettik kómek beriledi.
Jat jerde júrgen qazaqtardy qoldaý isi de nazardan tys qalmaǵan. Ana tilin, tól mádenietin, ulttyq bolmysyn saqtaý úshin Otandastar qory olarmen bailanys ornatyp, aqparattyq, gýmanitarlyq qoldaý kórsetip keledi. Eldegi múmkindikter týraly jan-jaqty málimet usynady. Aita keteiik, qazir álemniń 40-tan astam elinde 5 mln-ǵa jýyq etnikalyq qazaq ómir súredi. Bul týraly Otandastar qorynyń baspasóz hatshysy Aljan Sharipov aitty.
