بيىل ادام ولىمىمەن اياقتالعان جول اپاتى 31%-عا وسكەنى بايقالادى. بۇل تۋرالى ءىىم مالىمدەدى، دەپ حابارلايدى Dalanews.kz.
وسىعان بايلانىستى پاترۋلدەۋ مارشرۋتتارى مەن پوليسيا قىزمەتكەرلەرىنىڭ سانى بارىنشا كوبەيتىلمەك.
"وبلىستىق جانە اۋداندىق ماڭىزى بار جولداردا رەيدتەر ۇزدىكسىز ۇيىمداستىرىلادى. جىلدامدىق رەجيمىن ساقتاۋ، باسىپ وزۋ جانە قارسى جولاققا شىعۋ تالاپتارىن باقىلاۋ كۇشەيتىلدى. زاڭسىز تاسىمالداۋشىلار مەن تاكسي قىزمەتىنە قاتىستى تەكسەرىستەر جانداندىرىلدى. ەلدى مەكەندەردە جاياۋ جۇرگىنشىلەردى قاعىپ كەتۋ جاعدايلارىنىڭ الدىن الۋ بويىنشا دا قوسىمشا شارالار قابىلدانادى"، - دەدى ءىىم وكىلى.
سونىمەن قاتار، جول ينسپەكسياسى كۇن سايىن جولدىڭ جاعدايىن باقىلايدى. جوندەۋ جانە رەكونسترۋكسيالاۋ جۇمىستارى جۇرگىزىلىپ جاتقان جولداردىڭ بارلىق ۋچاسكەسى ەرەكشە باقىلاۋعا الىنادى.
