Biyl adam ólimimen aiaqtalǵan jol apaty 31%-ǵa óskeni baiqalady. Bul týraly IIM málimdedi, dep habarlaidy Dalanews.kz.
Osyǵan bailanysty patrýldeý marshrýttary men politsiia qyzmetkerleriniń sany barynsha kóbeitilmek.
"Oblystyq jáne aýdandyq mańyzy bar joldarda reidter úzdiksiz uiymdastyrylady. Jyldamdyq rejimin saqtaý, basyp ozý jáne qarsy jolaqqa shyǵý talaptaryn baqylaý kúsheitildi. Zańsyz tasymaldaýshylar men taksi qyzmetine qatysty tekserister jandandyryldy. Eldi mekenderde jaiaý júrginshilerdi qaǵyp ketý jaǵdailarynyń aldyn alý boiynsha da qosymsha sharalar qabyldanady", - dedi IIM ókili.
Sonymen qatar, jol inspektsiiasy kún saiyn joldyń jaǵdaiyn baqylaidy. Jóndeý jáne rekonstrýktsiialaý jumystary júrgizilip jatqan joldardyń barlyq ýchaskesi erekshe baqylaýǵa alynady.
