اكىم ءوز بايانداماسىندا 2022 جىلى 295،3 مىڭ شارشى مەتر تۇرعىن ءۇي پايدالانۋعا بەرىلگەنىن اتاپ ءوتتى. ال بيىل 321،9 مىڭ مەتر پايدالانۋعا بەرىلەدى، سونىڭ 50% نەمەسە 166،6 مىڭ شارشى مەترى – بيۋدجەت ەسەبىنەن، بۇل وتكەن جىلمەن سالىستىرعاندا 8 ەسەگە كوپ.
– جالپى جىل سوڭىنا دەيىن 2975 پاتەر بەرىلەدى، سونىڭ ىشىندە بيۋدجەت ەسەبىنەن – 2542، جەكە قۇرىلىس سالۋشىلار ەسەبىنەن – 233، دەمەۋشىلەر ەسەبىنەن – 200 پاتەر، سونىڭ ىشىندە تالدىقورعان قالاسى بويىنشا – 1917 پاتەر بەرىلەدى، – دەدى بەيبىت يسابايەۆ.
سول سياقتى بريفينگىدە حالىقتىڭ الەۋمەتتىك ءالجۋاز توپتارىنا، كوپ بالالى وتباسىلار ءۇشىن تالدىقورعان قالاسىندا دەمەۋشىلەر ەسەبىنەن 180 پاتەرلىك ءۇش ءۇي جانە 20 جەكە تۇرعىن سالىنىپ جاتقانى ايتىلدى.
![](/uploads/images/20240127154918828.jpg)
بەيبىت يسابايەۆ وڭىردەگى اپاتتى ۇيلەردىڭ ماسەلەسى دە توقتالدى. ونىڭ ايتۋىنشا، بيىل اقسۋ، كەربۇلاق اۋداندارى مەن تەكەلى، تالدىقورعان قالالارىندا 232 پاتەردى ساتىپ الۋعا 2،8 ملرد تەڭگە قاراستىرىلدى.
سونداي-اق تەكەلى قالاسىندا، سارىوزەك اۋىلىندا 60 پاتەرلىك 2 ءۇي سالىنىپ جاتىر. وسىلايشا كەلەسى جىلى اپاتتى ۇيلەر ماسەلەسى جەتىسۋ وبلىسىندا تولىعىمەن شەشىلەدى.
https://dalanews.kz/aimak/90548-sozaqta-24-koshege-asfalt-toseledi