Ákim óz baiandamasynda 2022 jyly 295,3 myń sharshy metr turǵyn úi paidalanýǵa berilgenin atap ótti. Al biyl 321,9 myń metr paidalanýǵa beriledi, sonyń 50% nemese 166,6 myń sharshy metri – biýdjet esebinen, bul ótken jylmen salystyrǵanda 8 esege kóp.
– Jalpy jyl sońyna deiin 2975 páter beriledi, sonyń ishinde biýdjet esebinen – 2542, jeke qurylys salýshylar esebinen – 233, demeýshiler esebinen – 200 páter, sonyń ishinde Taldyqorǵan qalasy boiynsha – 1917 páter beriledi, – dedi Beibit Isabaev.
Sol siiaqty brifingide halyqtyń áleýmettik áljýaz toptaryna, kóp balaly otbasylar úshin Taldyqorǵan qalasynda demeýshiler esebinen 180 páterlik úsh úi jáne 20 jeke turǵyn salynyp jatqany aityldy.
Beibit Isabaev óńirdegi apatty úilerdiń máselesi de toqtaldy. Onyń aitýynsha, biyl Aqsý, Kerbulaq aýdandary men Tekeli, Taldyqorǵan qalalarynda 232 páterdi satyp alýǵa 2,8 mlrd teńge qarastyryldy.
Sondai-aq Tekeli qalasynda, Saryózek aýylynda 60 páterlik 2 úi salynyp jatyr. Osylaisha kelesi jyly apatty úiler máselesi Jetisý oblysynda tolyǵymen sheshiledi.
https://dalanews.kz/aimak/90548-sozaqta-24-koshege-asfalt-toseledi
