Bıyl Jetisýda 321,9 myń metr turǵyn úı paıdalanýǵa beriledi

Dalanews 13 maý. 2023 08:18 367

Jetisý oblysynda turǵyn úı kezeginde 29,1 myń adam  tursa, sonyń 15 myńnan astamy Taldyqorǵanda tirkelgen. Osy jyly óńirde 321,9 myń metr turǵyn úı qoldanysqa beriledi. Bul týraly búgin Jetisý oblysynyń ákimi Beıbit Isabaev jýrnalıserge arnalǵan brıfıńi kezinde aıtty, – dep habarlaıdy Dalanews.kz Jetisý oblysy ákiminiń baspasóz qyzmetine silteme jasap.

Ákim óz baıandamasynda 2022 jyly 295,3 myń sharshy metr turǵyn úı paıdalanýǵa berilgenin atap ótti. Al bıyl 321,9 myń metr paıdalanýǵa beriledi, sonyń 50% nemese 166,6 myń sharshy metri – búdjet esebinen, bul ótken jylmen salystyrǵanda 8 esege kóp.

– Jalpy jyl sońyna deıin 2975 páter beriledi, sonyń ishinde búdjet esebinen – 2542, jeke qurylys salýshylar esebinen – 233, demeýshiler esebinen – 200 páter, sonyń ishinde Taldyqorǵan qalasy boıynsha – 1917 páter beriledi, – dedi Beıbit Isabaev.

Sol sıaqty brıfıńide halyqtyń áleýmettik áljýaz toptaryna, kóp balaly otbasylar úshin Taldyqorǵan qalasynda demeýshiler esebinen 180 páterlik úsh úı jáne 20 jeke turǵyn salynyp jatqany aıtyldy.


Oǵan qosa «Samuryq-Qazyna» qory da turǵyn úı máselesin sheshýge úles qosýda. Máselen, qor osy jyldyń ekinshi jartysynda Taldyqorǵan jáne Panfılov aýdanynda 500 páterlik 8 kóp qabatty úıdiń qurylysyn bastap, Kerbulaq aýdany Saryózek aýyly 65 jeke turǵyn úı salýdy josparlap otyr.

Beıbit Isabaev óńirdegi apatty úılerdiń máselesi de toqtaldy. Onyń aıtýynsha, bıyl Aqsý, Kerbulaq aýdandary men Tekeli, Taldyqorǵan qalalarynda  232 páterdi satyp alýǵa 2,8 mlrd teńge qarastyryldy.

Sondaı-aq Tekeli qalasynda, Saryózek aýylynda 60 páterlik 2 úı salynyp jatyr. Osylaısha kelesi jyly apatty úıler máselesi Jetisý oblysynda tolyǵymen sheshiledi.

https://dalanews.kz/aimak/90548-sozaqta-24-koshege-asfalt-toseledi

Usynylǵan
Sońǵy jańalyqtar