مەجٸلٸس دەپۋتاتى ابزال قۇسپان قىتايدان ەكەلٸنگەن BYD DESTROYER 05 گيبريدتٸ كٶلٸكتەرٸنە بايلانىستى تۋىنداعان داۋعا قاتىستى مەملەكەتتٸك كٸرٸستەر ورگاندارىنىڭ ەرەكەتٸن قاتاڭ سىنعا الدى, دەپ حابارلايدى dalanews.kz.
ونىڭ ايتۋىنشا, جٷزدەگەن قازاقستاندىق وتباسى مەن كەسٸپكەرلەر بۇرىن زاڭدى تٷردە رەسٸمدەلگەن كٶلٸكتەر ٷشٸن كەيٸننەن ميلليونداعان تەڭگە كٶلەمٸندە قوسىمشا تٶلەمدەر مەن ايىپپۇلدارعا تاپ بولعان.
دەپۋتاتتىڭ سٶزٸنشە, مەسەلە قاراپايىم ازاماتتار مەن يمپورتتاۋشىلاردىڭ مەملەكەت بەرگەن رەسمي قۇجاتتارعا سەنٸپ ەرەكەت ەتۋٸنەن باستالعان. كٶلٸكتەردٸ ەلگە ەكەلمەس بۇرىن ولار مەملەكەتتٸك كٸرٸستەر دەپارتامەنتٸنە جٷگٸنٸپ, تاۋاردى جٸكتەۋ بويىنشا رەسمي قورىتىندى العان. كەدەن ورگاندارى قوزعالتقىشتاردىڭ قۋاتىن انىقتاپ, الدىن الا شەشٸم شىعارعان. سول قۇجاتقا سەيكەس اتالعان كٶلٸكتەرگە كەدەندٸك باج سالىعى نٶل پايىز بولعان.
«مەنٸڭ دەپۋتاتتىق ساۋالىم جٷزدەگەن قازاقستاندىق وتباسى مەن ادال كەسٸپكەرلەر مەملەكەتتٸك كٸرٸستەر ورگاندارىنىڭ زاڭسىز ەرٸ اگرەسسيۆتٸ ەرەكەتتەرٸنٸڭ سالدارىنان تاپ بولعان كٷردەلٸ جاعدايعا بايلانىستى جولدانىپ وتىر. ەڭگٸمە BYD DESTROYER 05 ماركالى كٶلٸكتەرگە قاتىستى كەيٸننەن جاپپاي باج سالىعى مەن ايىپپۇلداردىڭ ەسەپتەلۋٸ تۋرالى بولىپ وتىر», - دەدٸ قۇسپان.
ونىڭ ايتۋىنشا, ازاماتتار مەملەكەت بەكٸتكەن شەشٸمگە سٷيەنٸپ, دەكلاراتسييالاردى زاڭ تالاپتارىنا ساي تولتىرعان, بارلىق مٸندەتتٸ تٶلەمدەردٸ تٶلەپ, كٶلٸكتەرٸن رەسمي تٸركەۋدەن ٶتكٸزگەن. الايدا بٸراز ۋاقىتتان كەيٸن مەملەكەتتٸك كٸرٸستەر ورگاندارى ٶزدەرٸنٸڭ بۇرىنعى شەشٸمدەرٸن جارامسىز دەپ تانىپ, كٶلٸك يەلەرٸنە ٶتكەن كەزەڭدەر ٷشٸن قوسىمشا تٶلەم تالاپ ەتە باستاعان.
دەپۋتات مۇنداي شەشٸمنٸڭ جاڭا تەۋەلسٸز ساراپتاماعا ەمەس, نارىقتاعى رەسمي ديلەر بولىپ سانالاتىن كوممەرتسييالىق قۇرىلىمنىڭ حاتىنا نەگٸزدەلگەنٸن ايتتى. ونىڭ پٸكٸرٸنشە, بۇل جاعداي نارىقتاعى ادال بەسەكەلەستٸك قاعيداتتارىنا كٷمەن تۋعىزادى.
«ولار ٶزدەرٸنٸڭ بۇرىنعى شەشٸمدەرٸن كٷشٸن جويدى دا, ازاماتتارعا: “بٸز قاتەلەسٸپپٸز, ەندٸ ٷلكەن كٶلەمدە باج سالىعىن تٶلەڭٸزدەر” دەدٸ. ەڭ سوراقىسى, بۇل شەشٸم تەۋەلسٸز ساراپتاماعا ەمەس, نارىقتاعى بەسەكەلەس بولىپ سانالاتىن كوممەرتسييالىق ۇيىمنىڭ حاتىنا نەگٸزدەلگەن», - دەدٸ مەجٸلٸسمەن.
ابزال قۇسپان كونستيتۋتسييا مەن قولدانىستاعى زاڭناما ازاماتتاردىڭ جاعدايىن ناشارلاتاتىن نورمالارعا كەرٸ كٷش بەرۋگە تىيىم سالاتىنىن ەسكە سالدى. سوعان قاراماستان, ونىڭ سٶزٸنشە, كەيبٸر مەملەكەتتٸك ورگاندار زاڭداردى بيۋدجەت مٷددەسٸنە قاراي تٷسٸندٸرٸپ, قاراپايىم ازاماتتاردىڭ قۇقىقتارىن ەكٸنشٸ ورىنعا ىسىرىپ كەلەدٸ.
دەپۋتاتتىڭ مەلٸمەتٸنشە, جاعدايدى ۋشىقتىرعان تاعى بٸر مەسەلە – ازاماتتاردىڭ بانك شوتتارىن الدىن الا ەسكەرتۋسٸز بۇعاتتاۋ. ونىڭ ايتۋىنشا, كٶپتەگەن ادامدار تەك كارتوچكالارى جابىلعاننان كەيٸن عانا ٶزدەرٸنە قاتىستى تەكسەرۋ جٷرگٸزٸلٸپ جاتقانىن بٸلگەن.
«400-دەن استام وتباسى, 5 مىڭنان استام ازامات زارداپ شەكتٸ. بانكتٸك شوتتار بۇعاتتالدى, بيزنەس جۇمىسى توقتادى, ادامدار تىعىرىققا تٸرەلدٸ. بۇل قوعامداعى نارازىلىقتى كٷشەيتەتٸن جاعداي», - دەدٸ قۇسپان.
مەجٸلٸسمەن بۇعان دەيٸن قارجى مينيسترٸنە رەسمي ساۋال جولداپ, مەسەلەنٸ مينيسترلٸك دەڭگەيٸندە قاراۋدى تالاپ ەتكەنٸن ايتتى. الايدا ونىڭ سٶزٸنشە, ناقتى جاۋاپتىڭ ورنىنا كەزدەسۋ مەملەكەتتٸك كٸرٸستەر كوميتەتٸ تٶراعاسىنىڭ ورىنباسارى دەڭگەيٸندە ٶتكٸزٸلمەك بولعان.
دەپۋتات بۇل مەسەلە بۇعان دەيٸن دە قوعامدا قىزۋ تالقىلانعانىن, ونى دەپۋتاتتار, قوعام بەلسەندٸلەرٸ جەنە بۇقارالىق اقپارات قۇرالدارى بٸرنەشە رەت كٶتەرگەنٸن اتاپ ٶتتٸ. سوندىقتان ول ٷكٸمەتتەن مەملەكەتتٸك كٸرٸستەر كوميتەتٸ مەن ٶڭٸرلٸك دەپارتامەنتتەردٸڭ ەرەكەتٸنە قىزمەتتٸك تەكسەرۋ جٷرگٸزۋدٸ, ازاماتتارعا جولدانعان داۋلى حابارلامالاردى كەرٸ قايتارىپ, تولىق ەرٸ اشىق تەكسەرۋ اياقتالعانعا دەيٸن بۇعاتتالعان شوتتاردى اشۋدى تالاپ ەتتٸ.
سونىمەن قاتار ابزال قۇسپان سالىق ورگاندارىنىڭ ەرەكەتتەرٸندە جەكەلەگەن كومپانييالارعا ارتىقشىلىق بەرۋ بەلگٸلەرٸ بار-جوعىن تەكسەرۋدٸ جەنە زاڭ بۇزۋشىلىقتارعا جول بەرگەن لاۋازىمدى تۇلعالاردى جاۋاپكەرشٸلٸككە تارتۋدى سۇرادى.
ەسكە سالايىق, 18 مامىردا مەملەكەتتٸك كٸرٸستەر كوميتەتٸ قىتايدان ەكەلٸنگەن BYD ماركالى 623 گيبريدتٸ كٶلٸك بويىنشا كەدەندٸك رەسٸمدەۋ كەزٸندە زاڭ بۇزۋشىلىقتار انىقتالعانىن مەلٸمدەپ, 450 ازاماتقا تيٸستٸ حابارلاما جولداعان بولاتىن.
