Dalanews.kz وسى ماقساتتا ارنايى جيىن ٶتكٸزگەن "ەلگە قايتارۋ" قوعامدىق قورىنىڭ قۇرىلتايشىلارى بولات ەبٸلوۆ پەن ورازالى ەرجانوۆتىڭ تالابىن تىڭداپ قايتقان-دى.
تٷسٸنگەنٸمٸز, بۋتيا باستاعان بەلسەندٸلەر ەلٸمٸزدەگٸ باي-ماناپتاردىڭ ارام جولمەن تاپقان اكتيۆتەرٸن ەلگە قايتارۋعا بٸلەك سىبانا كٸرٸسكەن ەكەن. "ماشكەۆيچتٸڭ ەۋرازييالىق توبى 2017-2021 جىلدارى ەلدٸڭ ەن بايلىعىن تەسپەي سورىپ, قازاقتاردى شىعىنعا باتىردى", – دەيدٸ قور مٷشەلەرٸ.
ERG-دٸڭ كورپوراتيۆتٸ ەسەبٸنە قاراعاندا "ەۋرازييالىق توپ":
2017 جىلى 2,09 ملرد دوللار;
2018 جىلى 1,913 ملرد دوللار;
2019 جىلى 1,538 ملرد دوللار;
2020 جىلى 2,23 ملرد دوللار;
2021 جىلى 4,210 ملرد دوللار تازا پايدا تاپقان.
اينالاسى 5 جىلدا ماشكەۆيچكە تيەسٸلٸ ەۋرازييالىق توپ جيىن-تەرٸمٸ 11,774 ملرد دوللاردى قالتاعا باسقان.
دەل وسى ارالىقتا (2017-2021 جىلدارى) ەۋرازييالىق توپ قازاقستانعا ياعني, ەل بيۋدجەتٸنە تاپقان تابىسىنىڭ 40%-ىن ديۆيدەنت رەتٸندە تٶلەۋگە مٸندەتتەلگەن. مايشەكەنٸڭ وسى كٶلەمدە ٷكٸمەتكە ديۆيدەند تٶلەۋٸ كەرەكتٸگٸن قارجىمين Nege اقپارات پورتالىنا جولداعان حاتىندا دا تايعا تاڭبا باسقانداي انىق جازىپ, كٶرسەتكەن.
Dalanews.kz-تٸڭ ەسەبٸنشە بۇل شامامەن 4-5 ملرد دوللاردىڭ تٶڭٸرەگٸندەگٸ سۇراپىل اقشا.
ەندٸ مىنا پارادوكسقا نازار اۋدارىڭىز:
جالپاق تٸلمەن ايتقاندا ماشكەۆيچ ٷكٸمەتتٸ "لاقتىرىپ" كەتكەن. وسى ارالىقتا مايشەكەنٸڭ بيۋدجەتكە اۋدارعان اقشاسى "ميزەر": بار بولعانى 365 ملن دوللار!
تۋراسىن ايتقاندا, ەۋرازييالىق توپ مەملەكەتتٸڭ قازىناسىن قامپايتۋعا تيٸستٸ ميللياردتاردى قالتاعا باسقان.
ەڭ قىزىعى, سول تۇستاعى ٷكٸمەت تە بۇعان كٶز جۇما قاراپ, مايشەكەنٸڭ ەسەپ-شوتىنان اۋدارىلعان جارىماعان 365 ملن-دى مٸسە تۇتقان...
بولات ەبٸلوۆ "جابۋلى قازاننىڭ قاقپاعىن قايتا اشىپ كٶرمەككە" بەكٸنٸپ وتىر. ماشكەۆيچتٸڭ جەمساۋىندا كەتكەن جۇرتتىڭ اقشاسىن قايتارۋ كەرەك دەيدٸ.
"سول تۇستاعى ٷكٸمەت مٷشەلەرٸ مارات بەكەتاەۆ, باقىت سۇلتانوۆ, بەيبٸت اتامقۇلوۆتاردىڭ سالعىرتتىعىنان قازىنامىز ميللياردتاعان دوللاردان قاعىلدى", – دەيدٸ "ەلگە قايتارۋ" قوعامدىق قورىنىڭ قۇرىلتايشىلارى.
بۋتيانىڭ اۋزىمەن ايتىلعان تاعى بٸر inside:
قاڭتاردا, قازاقستاندا بٷلٸك باستالعانىن قۇلاعى شالعان ماشكەۆيچ ەۋروپادا تٸركەلگەن ەنشٸلەس كومپانيياعا قارىز كەرەك دەگەندٸ جەلەۋ ەتٸپ, ەلدەگٸ 1,1 ملرد دوللاردى شەتەل اسىرىپ جٸبەرگەنٸن.
قاڭتاردا ەل قان-جوسا بولىپ, قارا جامىلعان سەتتە مايشەكەنٸڭ كومپانيياسى قازاقتىڭ جەر استى بايلىعىن ساتىپ تاپقان قاراجاتتى شەتەل اسىرۋدان قولى بوساماعان.
ەبٸلوۆتىڭ مەلٸم ەتكەنٸندەي قاڭتاردىڭ قارساڭىندا ەۋرازييالىق توپ تاعى 500 ملن دوللاردى شەتەلگە شىعارعان. وسىلايشا ماشكەۆيچتٸڭ كومپانيياسى بٸر ايدىڭ ارالىعىندا 1,6 ملرد دوللاردى ەلدەن جىلىستاتقان.
شاراعا قاتىسقان قارجىگەر ەسكەندٸر بەيسەمبەتوۆ: "قازاقستاندا 1 ملرد دوللارعا 50 مىڭ جۇمىس ورنىن اشۋعا بولادى", – دەيدٸ.
بۋتيا باستاعان بەلسەندٸلەر ماشكەۆيچتٸڭ ٸزٸنە تٷسٸپ, شەتەل اسقان اقشانى قايتارۋدى كٶزدەپ وتىر.
سونداي-اق, قور بەلسەندٸلەرٸ توقاەۆتىڭ شەتتەگٸ كاپيتالدى قايتارۋ تۋرالى شەشٸم قولدايتىنىن, بٸراق ٷكٸمەتباسى سمايلوۆتىڭ سىلبىرلىق تانىتىپ وتىرعانىن سىنعا الدى.
