– ءىس-شارالاردى 3 كەزەڭدە جۇزەگە اسىرۋ جوسپارلانۋدا: ءبىرىنشى كەزەڭ بيىل باستالادى. مۇندا ءبىز جاڭا بۇقتىرما كەنتىنىڭ ورتالىق بولىگىن اباتتاندىرۋمەن اينالىسامىز. بۇگىنگى تاڭدا جولداردى كۇردەلى جوندەۋ جانە كەنتتىڭ ورتالىق بولىگىنىڭ اۋماعىن اباتتاندىرۋ بويىنشا جوبالار ازىرلەندى، – دەدى مارات قاباقوۆ.
سونداي-اق، ساياباق پەن سەرۋەندەۋ ايماقتارىن جارىقتاندىرۋ، كوگالداندىرۋ جۇمىستارى جۇرگىزىلەدى. قازىرگى ۋاقىتتا جىلۋمەن جابدىقتاۋ جەلىلەرىن رەكونسترۋكسيالاۋدى ەسكەرە وتىرىپ، جوسپارلانعان جۇمىستاردىڭ كەزەكتىلىگىن انىقتاۋ بويىنشا ماسەلەلەر پىسىقتالۋدا.
– سونىمەن قاتار قالالار مەن اۋدان ورتالىقتارىنىڭ كوشە جارىقتاندىرۋ جۇيەلەرىن جاڭعىرتۋ جوباسى اياسىندا جاڭا بۇقتىرما كەنتىندە كوشە جارىعىن جاڭارتۋ جوسپارلانعان. جوبادا 369 جارىق نۇكتەلەرى مەن جارىقتاندىرۋ تىرەكتەرىن اۋىستىرۋ كوزدەلەدى. جۇمىس 20 ساۋىردە باستالىپ، 30 قازاندا اياقتالادى.
الەۋمەتتىك ينفراقۇرىلىمنىڭ قۇرىلىسى دا ماڭىزدى. مۇندا ءبىز 200 ورىندىق قازاق تىلىندە وقىتاتىن مەكتەپ سالۋدى جوسپارلاپ وتىرمىز. ىسكە اسىرۋ مەرزىمى 2023-2024 جىلدارى كونكۋرستىق راسىمدەردىڭ باستالىپ، ءساۋىر ايىنىڭ سوڭىنا دەيىن جالعاسادى. كەنت تۇرعىندارى ءۇشىن قولايلى جاعداي جاساۋ ماقساتىندا دارىگەرلىك امبۋلاتورياعا كۇردەلى جوندەۋ جۇرگىزىلەدى. جوندەۋ جۇمىستارى 1 ماۋسىمدا باستالادى، – دەدى سپيكەر.
كەلەسى جىلدىڭ سوڭىنا دەيىن جوبانىڭ ەكىنشى كەزەڭى دە ىسكە اسىرىلاتىن بولادى. بۇل "اربات" جاياۋ سەرۋەندەۋ ايماعى مەن قوعامدىق جاعاجايدى اباتتاندىرۋ. جۇمىستار جەر ۋچاسكەلەرىن راسىمدەۋ اياقتالعاننان كەيىن عانا باستالادى.
– وكتيابرسكيي كەنتىندەگى قولدانىستاعى ءورت ءسوندىرۋ دەپوسىنىڭ اۋماعىندا 2 اۆتوكولىككە ارنالعان ءورت ءسوندىرۋ بەكەتى مەن گاراج بوكسىن سالۋ كوزدەلىپ وتىر، – دەپ ءتۇسىندىردى م.قاباقوۆ.
بريفينگ سوڭىندا ول ءۇشىنشى كەزەڭدە جاڭا بۇقتىرما كەنتىنىڭ ارتىنداعى "كوچيەۆنيك" كافەسى اۋدانىندا ساياباق سالىناتىنىن اتاپ ءوتتى.
"ويىن الاڭدارى، ۆەلو-سەرۋەندەۋ ايماعى، قوعامدىق تاماقتانۋ ايماعى، جازعى ساحنا جانە ساۋلەت نىساندارى ورناتىلادى"، - دەدى شقو ييدب باسشىسىنىڭ ورىنباسارى.
