– Is-sharalardy 3 kezeńde júzege asyrý josparlanýda: birinshi kezeń biyl bastalady. Munda biz Jańa Buqtyrma kentiniń ortalyq bóligin abattandyrýmen ainalysamyz. Búgingi tańda joldardy kúrdeli jóndeý jáne kenttiń ortalyq bóliginiń aýmaǵyn abattandyrý boiynsha jobalar ázirlendi, – dedi Marat Qabaqov.
Sondai-aq, saiabaq pen serýendeý aimaqtaryn jaryqtandyrý, kógaldandyrý jumystary júrgiziledi. Qazirgi ýaqytta jylýmen jabdyqtaý jelilerin rekonstrýktsiialaýdy eskere otyryp, josparlanǵan jumystardyń kezektiligin anyqtaý boiynsha máseleler pysyqtalýda.
– Sonymen qatar qalalar men aýdan ortalyqtarynyń kóshe jaryqtandyrý júielerin jańǵyrtý jobasy aiasynda Jańa Buqtyrma kentinde kóshe jaryǵyn jańartý josparlanǵan. Jobada 369 jaryq núkteleri men jaryqtandyrý tirekterin aýystyrý kózdeledi. Jumys 20 sáýirde bastalyp, 30 qazanda aiaqtalady.
Áleýmettik infraqurylymnyń qurylysy da mańyzdy. Munda biz 200 oryndyq qazaq tilinde oqytatyn mektep salýdy josparlap otyrmyz. Iske asyrý merzimi 2023-2024 jyldary konkýrstyq rásimderdiń bastalyp, sáýir aiynyń sońyna deiin jalǵasady. Kent turǵyndary úshin qolaily jaǵdai jasaý maqsatynda dárigerlik ambýlatoriiaǵa kúrdeli jóndeý júrgiziledi. Jóndeý jumystary 1 maýsymda bastalady, – dedi spiker.
Kelesi jyldyń sońyna deiin jobanyń ekinshi kezeńi de iske asyrylatyn bolady. Bul "Arbat" jaiaý serýendeý aimaǵy men qoǵamdyq jaǵajaidy abattandyrý. Jumystar jer ýchaskelerin rásimdeý aiaqtalǵannan keiin ǵana bastalady.
– Oktiabrskii kentindegi qoldanystaǵy órt sóndirý deposynyń aýmaǵynda 2 avtokólikke arnalǵan órt sóndirý beketi men garaj boksyn salý kózdelip otyr, – dep túsindirdi M.Qabaqov.
Brifing sońynda ol úshinshi kezeńde Jańa Buqtyrma kentiniń artyndaǵy "Kochevnik" kafesi aýdanynda saiabaq salynatynyn atap ótti.
"Oiyn alańdary, velo-serýendeý aimaǵy, qoǵamdyq tamaqtaný aimaǵy, jazǵy sahna jáne sáýlet nysandary ornatylady", - dedi ShQO IIDB basshysynyń orynbasary.
