الماتى وبلىسىندا ەكس—سۋديا زاڭدى بەلشەسىنەن باسىپ وتىر. زاڭعا پىسقىرمايتىن زاڭ سالاسىنىڭ مامانى مەن ءمىسليحات دەپۋتاتى اراسىندا بىتىسپەس تارتىس باستالدى. البان جۇرىتىن الاڭداتقان داۋلى تارتىس كۇن وتكەن سايىن كۇشەيىپ كەلەدى. بۇرىنعى سۋديانىڭ قىزمەتتىك تۇرعىن ءۇيدى بوساتپاۋى قوعامدا رەزونانس تۋعىزدى. وزىنە تونگەن ءقاۋىپ جايلى رايىمبەك اۋداندىق ءماسليحاتى دەپۋتاتى بەكجان ءجۇنىسوۆ مالىمدەدى، دەپ حابارلايدى Dalanews.kz Todayinfo.kz-كە سىلتەمە جاساپ.
دەپۋتاتتىڭ ايتۋىنشا، ەكس-سۋديا سەكسەنبايەۆ تۇرسىنباي قىزمەتى الدەقاشان اياقتالعانىنا قاراماستان، قىزمەتتىك ءۇيدى بوساتپاي وتىر.
«ەكس-سۋديا سەكسەنبايەۆ تۇرسىنباي مىرزانىڭ قىزمەتى الدەقاشان اياقتالعانىنا قاراماستان، قىزمەتتىك ءۇيدى بوساتپاۋى جايلى قوزعاپ، ادىلدىك ىزدەگەن ەدىم. ەندى مىنە، وسى ماسەلە اياسىندا ەكس-سۋديا تۇرسىنباي مىرزا مەنىمەن ارنايى حابارلاستى. زاڭ ادامى ادامشا سويلەسەدى دەپ ۇمىتتەنگەن ەدىم. الايدا ول ءوزىنىڭ وكتەمدىگىن ءبىلدىرىپ، زاڭ ادامى بولا تۇرا زاڭدى بەلشەسىنەن باسىپ، ماعان اشىق تۇردە قاساقانا قاستىق جاساۋعا دايىن ەكەنىن بىرنەشە رەت قايتالادى»، – دەيدى دەپۋتات.
ونىڭ سوزىنشە، ەكس-سۋديا ەشكىمنىڭ وعان كۇشى جەتپەيتىنىن ايتىپ، «ادىلدىكتەن ءۇمىتىڭدى ءۇز» دەگەنگە كەلتىرگەن.
«ول مەملەكەتتىك قىزمەتتەگى بىرنەشە ازاماتتاردىڭ دا اتىن اتاپ، ءوز ۇستەمدىگىن ءبىلدىردى»، – دەيدى بەكجان ءجۇنىسوۆ.
اتالعان ماسەلە بويىنشا دەپۋتات الماتى وبلىستىق سوتىنا Eء-وتىنىش پورتالى ارقىلى رەسمي تۇردە جۇگىنگەن. الايدا سوتتان كەلگەن جاۋاپ كوڭىل كونشىتپەگەن.
«سەكسەنبايەۆ تۇرسىنباي قازىرگى ۋاقىتتا سۋديا ەمەس، زەينەتكە شىققان. وعان قاتىستى ەشقانداي شارا قولدانا المايمىز»، – دەگەن قىسقاشا جاۋاپ جولدانعان.
بۇل جاۋاپ اۋدان جۇرتىنىڭ نارازىلىعىن تۋدىردى. وسىعان بايلانىستى اۋداندىق ءماسليحات دەپۋتاتى بەكجان ءجۇنىسوۆ قوعامعا ۇندەۋ جاسادى. دەپۋتاتتىڭ ايتۋىنشا، ەكس-سۋديا ونىمەن سويلەسۋ بارىسىندا اشىق تۇردە قىسىم كورسەتكەن.
«زاڭ ادامى رەتىندە ادامشا سويلەسەدى دەپ ۇمىتتەنگەن ەدىم. ءبىراق ول ءوز ۇستەمدىگىن كورسەتىپ، زاڭدى بەلشەسىنەن باسىپ، ماعان قاستىق جاساۋعا دايىن ەكەنىن بىرنەشە رەت قايتالادى. “ادىلدىكتەن ءۇمىتىڭدى ءۇز” دەپ، وعان ەشكىمنىڭ كۇشى جەتپەيتىنىن ايتتى. مەملەكەتتىك قىزمەتتەگى بىرنەشە ازاماتتاردىڭ اتىن اتاپ، ىقپالىن ءبىلدىردى»، – دەدى دەپۋتات.
ەكس-سۋديانىڭ ءوزى اشىق قورقىتۋعا كوشكە. مەملەكەتتىڭ مەنشىگىندەگى ءۇيدى حالىققا قايتارۋدان اشىق تۇردە باس تارتقان.
«سەن ءۇي ماسەلەسى بويىنشا اۋرە بولساڭ، بۇدان دا ماڭىزدى ماسەلەلەر جەتكىلىكتى. بۇل ءۇيدى مەنەن اۋداندىق، وبلىستىق، ءتىپتى ءماجىلىس دەپۋتاتى دا، وبلىس اكىمى دە تارتىپ الا المايدى. بۇل ءۇيدى جەكەشەلەندىرىپ الامىن. سەن باسقا ادامدارمەن ۇستاسساڭ ۇستاس، ءبىراق مەنىمەن ۇستاسپا. مەن ساعان جامانشىلىق ىستەپ جىبەرەمىن. ساعان كىمنىڭ قولداۋ ءبىلدىرىپ جۇرگەنىن بىلمەيمىن بە، ەگەر مەنىمەن ۇستاسقىڭ كەلسە، تۇبىنە دەيىن اپارامىن. ول ۇيدەن مەنى كۇشتەپ شىعارا المايسىڭدار، قولدارىڭنان كەلمەيدى. سەنى كىم “كرىشاۆات” ەتىپ جۇرگەنىن جاقسى بىلەمىن. سۋديا سەندەرگە ويىنشىق ەمەس، ونى اۋىلدا جۇرگەن مينيستر دەپ ەسەپتەي بەرىڭدەر»، – دەگەن ەكس—سۋديا.
دەپۋتات بۇل جاعداي قوعام ءۇشىن ءقاۋىپتى ۇردىسكە اينالۋى مۇمكىن ەكەنىن ايتىپ، ءتيىستى مەملەكەتتىك ورگانداردى ارەكەت ەتۋگە شاقىردى.
