Almaty oblysynda eks—sýdia zańdy belshesinen basyp otyr. Zańǵa pysqyrmaityn zań salasynyń mamany men mislihat depýtaty arasynda bitispes tartys bastaldy. Alban jurytyn alańdatqan daýly tartys kún ótken saiyn kúsheiip keledi. Burynǵy sýdianyń qyzmettik turǵyn úidi bosatpaýy qoǵamda rezonans týǵyzdy. Ózine tóngen qaýip jaily Raiymbek aýdandyq máslihaty depýtaty Bekjan Júnisov málimdedi, dep habarlaidy Dalanews.kz Todayinfo.kz-ke silteme jasap.
Depýtattyń aitýynsha, eks-sýdia Seksenbaev Tursynbai qyzmeti áldeqashan aiaqtalǵanyna qaramastan, qyzmettik úidi bosatpai otyr.
«Eks-sýdia Seksenbaev Tursynbai myrzanyń qyzmeti áldeqashan aiaqtalǵanyna qaramastan, qyzmettik úidi bosatpaýy jaily qozǵap, ádildik izdegen edim. Endi mine, osy másele aiasynda eks-sýdia Tursynbai myrza menimen arnaiy habarlasty. Zań adamy adamsha sóilesedi dep úmittengen edim. Alaida ol óziniń óktemdigin bildirip, zań adamy bola tura zańdy belshesinen basyp, maǵan ashyq túrde qasaqana qastyq jasaýǵa daiyn ekenin birneshe ret qaitalady», – deidi depýtat.
Onyń sózinshe, eks-sýdia eshkimniń oǵan kúshi jetpeitinin aityp, «ádildikten úmitińdi úz» degenge keltirgen.
«Ol memlekettik qyzmettegi birneshe azamattardyń da atyn atap, óz ústemdigin bildirdi», – deidi Bekjan Júnisov.
Atalǵan másele boiynsha depýtat Almaty oblystyq sotyna E-ótinish portaly arqyly resmi túrde júgingen. Alaida sottan kelgen jaýap kóńil kónshitpegen.
«Seksenbaev Tursynbai qazirgi ýaqytta sýdia emes, zeinetke shyqqan. Oǵan qatysty eshqandai shara qoldana almaimyz», – degen qysqasha jaýap joldanǵan.
Bul jaýap aýdan jurtynyń narazylyǵyn týdyrdy. Osyǵan bailanysty aýdandyq máslihat depýtaty Bekjan Júnisov qoǵamǵa úndeý jasady. Depýtattyń aitýynsha, eks-sýdia onymen sóilesý barysynda ashyq túrde qysym kórsetken.
«Zań adamy retinde adamsha sóilesedi dep úmittengen edim. Biraq ol óz ústemdigin kórsetip, zańdy belshesinen basyp, maǵan qastyq jasaýǵa daiyn ekenin birneshe ret qaitalady. “Ádildikten úmitińdi úz” dep, oǵan eshkimniń kúshi jetpeitinin aitty. Memlekettik qyzmettegi birneshe azamattardyń atyn atap, yqpalyn bildirdi», – dedi depýtat.
Eks-sýdianyń ózi ashyq qorqytýǵa kóshke. Memlekettiń menshigindegi úidi halyqqa qaitarýdan ashyq túrde bas tartqan.
«Sen úi máselesi boiynsha áýre bolsań, budan da mańyzdy máseleler jetkilikti. Bul úidi menen aýdandyq, oblystyq, tipti Májilis depýtaty da, oblys ákimi de tartyp ala almaidy. Bul úidi jekeshelendirip alamyn. Sen basqa adamdarmen ustassań ustas, biraq menimen ustaspa. Men saǵan jamanshylyq istep jiberemin. Saǵan kimniń qoldaý bildirip júrgenin bilmeimin be, eger menimen ustasqyń kelse, túbine deiin aparamyn. Ol úiden meni kúshtep shyǵara almaisyńdar, qoldaryńnan kelmeidi. Seni kim “kryshavat” etip júrgenin jaqsy bilemin. Sýdia senderge oiynshyq emes, ony aýylda júrgen ministr dep eseptei berińder», – degen eks—sýdia.
Depýtat bul jaǵdai qoǵam úshin qaýipti úrdiske ainalýy múmkin ekenin aityp, tiisti memlekettik organdardy áreket etýge shaqyrdy.
