1995 جىلى 19 قازاندا ق ر توتەنشە جاعدايلار جونىندەگى مەملەكەتتىك كوميتەتى – ەلدىڭ تابيعي جانە تەحنوگەندىك سيپاتتاعى توتەنشە جاعدايلار جانە ازاماتتىق قورعانىس سالاسىنداعى ورتالىق اتقارۋشى ورگان رەتىندە قۇرىلدى. وسى كۇن ازاماتتىق قورعاۋ جۇيەسىنىڭ كاسىبي مەرەكەسى – قۇتقارۋشى كۇنى بولىپ تابىلادى، دەپ حابارلايدى Dalanews.kz.
"بۇگىن سىزدەردىڭ قىزمەتكە دەگەن ادالدىقتارىڭىز بەن باتىلدىقتارىڭىزدى بەينەلەيتىن كۇن. كۇندەلىكتى ەرلىكتەرىڭىز قوعام ءۇشىن باعا جەتپەس ءىس جانە ءارقايسىلارىڭىزدى وسى ءۇشىن مەن ماقتان تۇتامىن. توتەنشە جاعدايلار مينيسترلىگى كۇردەلى قىزمەتتەرىڭىزدى جوعارى باعالاپ، سىزدەردى الەۋمەتتىك، تۇرعىن ۇيمەن جانە ماتەريالدىق-تەحنيكالىق قامسىزداندىرۋعا باعىتتالعان باعدارلامالاردى جۇزەگە اسىرۋدى جالعاستىرادى. قۇتقارۋشى كۇنى سىزدەرگە جانە وتباسىلارىڭىزعا شىن جۇرەكتەن زور دەنساۋلىق، باق-بەرەكە مەن ماڭىزدى ىستەرىڭىزدە جەتىستىكتەر تىلەيمىن! ەلىمىزدىڭ قاۋىپسىزدىگى ءۇشىن اتقاراتىن قىزمەتتەرىڭىز تابىستى بولسىن!"، - دەدى مينيستر شىڭعىس ءارىنوۆ
ايتا كەتسەك، ق ر تجم باسپا ءسوز قىزمەتىنىڭ مالىمەتىنشە، جىل سايىن ورتا ەسەپپەن 18 مىڭنان استام تابيعي جانە تەحنوگەندىك سيپاتتاعى تج، ونىڭ ىشىندە 12 مىڭ ءورت تىركەلەدى. تج ايماعىنان قۇتقارۋشىلار 8 مىڭ ازاماتتى قۇتقارادى، 20 مىڭنان استام ادامدى ەۆاكۋاسيالايدى، 4 مىڭ زارداپ شەككەن ادامعا مەديسينالىق كومەك كورسەتىلەدى. ەلىمىزدىڭ ورتكە قارسى جانە قۇتقارۋ قىزمەتتەرىنىڭ ماماندارى ءوز ءومىرىن قاتەرگە تىگىپ، ازاماتتاردى قۇتقارۋ جولىندا قىزمەتتىك مىندەتتەرىن اتقارۋ كەزىندە 73 قىزمەتكەر قايتىس بولدى.
