1995 jyly 19 qazanda QR Tótenshe jaǵdailar jónindegi memlekettik komiteti – eldiń tabiǵi jáne tehnogendik sipattaǵy tótenshe jaǵdailar jáne azamattyq qorǵanys salasyndaǵy ortalyq atqarýshy organ retinde quryldy. Osy kún azamattyq qorǵaý júiesiniń kásibi merekesi – Qutqarýshy kúni bolyp tabylady, dep habarlaidy Dalanews.kz.
"Búgin Sizderdiń qyzmetke degen adaldyqtaryńyz ben batyldyqtaryńyzdy beineleitin kún. Kúndelikti erlikterińiz qoǵam úshin baǵa jetpes is jáne árqaisylaryńyzdy osy úshin men maqtan tutamyn. Tótenshe jaǵdailar ministrligi kúrdeli qyzmetterińizdi joǵary baǵalap, Sizderdi áleýmettik, turǵyn úimen jáne materialdyq-tehnikalyq qamsyzdandyrýǵa baǵyttalǵan baǵdarlamalardy júzege asyrýdy jalǵastyrady. Qutqarýshy kúni Sizderge jáne otbasylaryńyzǵa shyn júrekten zor densaýlyq, baq-bereke men mańyzdy isterińizde jetistikter tileimin! Elimizdiń qaýipsizdigi úshin atqaratyn qyzmetterińiz tabysty bolsyn!", - dedi ministr Shyńǵys Árinov
Aita ketsek, QR TJM baspasóz qyzmetiniń málimetinshe, jyl saiyn orta eseppen 18 myńnan astam tabiǵi jáne tehnogendik sipattaǵy TJ, onyń ishinde 12 myń órt tirkeledi. TJ aimaǵynan qutqarýshylar 8 myń azamatty qutqarady, 20 myńnan astam adamdy evakýatsiialaidy, 4 myń zardap shekken adamǵa meditsinalyq kómek kórsetiledi. Elimizdiń órtke qarsy jáne qutqarý qyzmetteriniń mamandary óz ómirin qaterge tigip, azamattardy qutqarý jolynda qyzmettik mindetterin atqarý kezinde 73 qyzmetker qaitys boldy.
