سوڭعى بٸرنەشە اپتا قىتايدىڭ قور بيرجاسىندا جوعارىلاۋمەن بولعان اكتسييالار باعامى 8 قازاندا سىلق ەتٸپ قۇلاپ, ينۆەستورلاردى ۋش-شۋ ەتتٸ. مەسەلەن, Hang Seng (HSI) يندەكسٸ 9,56%-عا تٶمەندەپ, ەڭ تٶمەنگٸ دەڭگەيدەگٸ 20891,98 پۋنكتكە ورنىقتى. گونكونگتا ساۋدالاناتىن, قىتايلىق اكتسييالاردى دا قامتيتىن Hang Seng China Enterprises-تٸكٸ 7421,3 پۋنكتكە دەيٸن تٶمەندەپ, 10,9%-عا قۇلادى, دەپ حابارلايدى Dalanews.kz.
ال شانحاي جەنە شەنچجەن قور بيرجاسىنداعى - CSI 300 اكتسييالار يندەكسٸ مەيرامنان كەيٸنشٸ العاشقى كٷنٸ 11%-عا كٶتەرٸلٸپ, بٸراق كٶپ ۇزاماي ٶز پوزيتسيياسىن جوعالتا باستادى. مۇنداعى قۇلدىراۋ بيرجا اشىلعان سەتتەگٸ دەڭگەيدەن 7,98%-دى قۇراپ, 4095,05 پۋنكتە دەيٸن تٶمەندەدٸ.
ايتا كەتسەك, 1-7 قازان ارالىعىندا قحر تاۋار جەنە قور بيرجالارى مەرەكەگە وراي ساۋدا-ساتتىقتى توقتاتقان بولاتىن.
ساراپشىلار قىتايدىڭ قور نارىعىنداعى بٷگٸنگٸ قۇلدىراۋدى ينۆەستورلاردىڭ ٷكٸمەتتٸڭ ەكونوميكانى ودان ەرٸ ىنتالاندىرۋعا دايىن ەكەندٸگٸنە كٷمەندانمەن قاراۋى تٷرتكٸ بولعانىن ايتادى.
Bloomberg بۇل جايت 8 قازانداعى ۇلتتىق دامۋ جەنە رەفورما كوميسسيياسىنىڭ (NDRC) باسپاسٶز كونفەرەنتسيياسىنان كەيٸن ورىن العانىن باسا جازادى.
باسپاسٶز مەسليحاتىندا شەنەۋنٸكتەر شىعىستاردى كٶبەيتٸپ, جالاقىسى تٶمەن توپتى قولداۋعا نيەتتٸ ەكەندەرٸن راستادى, بٸراق ەكونوميكانى ىنتالاندىرۋ بويىنشا لەم-ميم دەپ جاق اشپادى. مٸنە, وسى جايت ينۆەستورلاردىڭ كٷمەن-كٷدٸگٸن قويۋلاتا تٷستٸ. ال ولار مەرەكەدەن كەيٸن ٷكٸمەتتٸ شەشۋشٸ قادامدار جاسايدى دەپ كٷتكەن بولاتىن. سەبەبٸ ٷكٸمەت بۇعان دەيٸن ەل ەكونوميكاسىن ىنتالاندىرۋ بويىنشا ناقتى شارالار قابىلداۋعا ۋەدە ەتكەن.
اتاپ ايتقاندا, قىتاي بيلٸگٸ قىركٷيەكتە بيۋدجەت شىعىستارىن قولداپ, جاعدايى مٷشكٸل جىلجىمايتىن مٷلٸك نارىعىن تۇراقتاندىرۋعا ات سالىسۋ ارقىلى ەل ەكونوميكاسىنىڭ ٶسٸمٸن قامتاماسىز ەتۋشٸ شارالاردى كٷشەيتەتٸندەرٸن ايتقان.
Reuters بيىل قىتايدىڭ شامامەن 2 ترلن يۋاننىڭ (285 ميلليارد دوللار) باعالى قاعازدارىن شىعارۋدى جوسپارلاپ وتىرعانىن جازادى. اگەنتتٸك دەرەككٶزدەرٸنٸڭ حابارلاۋىنشا, اتالعان قولداۋ شارالارى اياسىندا ەلدٸڭ قارجى مينيسترلٸگٸ 1 ترلن يۋانعا بورىشكەرلٸك باعالى قاعازدار شىعارۋدى جوسپارلاپ وتىر: مۇندايدا, ەڭ الدىمەن, COVID-تەن كەيٸن ەكونوميكانىڭ قالپىنا كەلۋٸنٸڭ باياۋلاۋىنا بايلانىستى قويۋلانىپ كەلە جاتقان تەۋەكەل - تۇتىنىستى ىنتالاندىرۋ قولعا الىنباق.
قىتاي حالىق بانكٸنٸڭ (ۇبك) باسشىسى پان گۋنشەن 24 قىركٷيەكتەگٸ وتىرىستىڭ قورىتىندىسى بويىنشا ٶتكٸزٸلگەن باسپاسٶز مەسليحاتىندا ٶتٸمدٸلٸك نارىعىنا 1 ترلن يۋان (1 142,15 ملرد) باعىتتاۋ جوسپارلانىپ وتىرعانىن ايتقان, دەپ حابارلادى Reuters.
وسىلايشا قىتايدىڭ ورتالىق بانكٸ باسشىسى بازالىق مٶلشەرلەمەنٸڭ (LPR) — 0,2–0,25 پۋنكتكە دەيٸن تٶمەندەۋٸ مٷمكٸن ەكەنٸن مەڭزەگەن. سونداي-اق جەكە تۇلعالارعا بەرٸلٸپ ٷلگەرگەن يپوتەكالىق نەسيە سىياقى مٶلشەرلەمەلەرٸن تٶمەندەتۋ جوسپارلانىپ وتىرعانى ايتىلعان.
مٸنە, قىتاي بيلٸگٸ ۋەدە ەتكەن وسى شارالار 1-7 قازانداعى مەرەكە كٷندەرٸنەن كەيٸن قولعا الىنادى دەپ كٷتٸلٸپ, ينۆەستورلار بۇعان دەيٸن تٷرلٸ باعالى قاعازداردى ساتىپ الىپ, ەلٸپتٸڭ ارتىن باققان. سوندىقتان الداعى بٸرنەشە اپتا بويى قىتاي قور بيرجاسىنداعى يندەكستەردٸڭ جوعارىلاۋلارى وسىمەن بايلانىستى ەدٸ. الايدا ينۆەستورلار كٷتكەن جاعداي مەرەكە كٷندەرٸنەن كەيٸن ورىن المادى. بۇعان ەبدەن ابدىراپ, اسىپ-ساسقان ينۆەستورلار قايتادان قولىنداعى باعالى قاعازداردى جالما-جان جاپپاي ساتا باستاعان...
