KASE-دە - قازاقستان قور بيرجاسىنداعى كۇندىزگى ساۋدا-ساتتىق قورىتىندىسى بويىنشا 1 اقش دوللارىنىڭ ورتاشا باعامى 520،48 تەڭگە بولىپ، 1،98 تەڭگەگە قىمباتتادى، دەپ حابارلايدى Dalanews.kz.

ايتا كەتەيىك، ۇلتتىق بانكتىڭ 9 ساۋىردەگى 1 اقش دوللار ءۇشىن بەلگىلەگەن رەسمي باعامى - 518، 57 تەڭگە.

Kurs.kz دەرەكتەرى بويىنشا ءقازىر الماتىداعى اقشا ايىرباستاۋ ورىندارىندا 1 اقش دوللارىن ساتىپ الۋ بويىنشا ورتاشا باعامى 518،73 تەڭگەگە، ساتۋ باعامى 521،16 تەڭگەگە تەڭ.

ال استانادا امەريكالىق ۆاليۋتانى ورتا ەسەپپەن 518،64 تەڭگەدەن ساتىپ الىپ، 522،98 تەڭگەدەن ساتىپ جاتىر.

ايتا كەتسەك، 2025 جىلى 7 ساۋىردە تەڭگە قاتتى قۇنسىزداندى. باعا 504-تەن 517-گە كوتەرىلدى. بۇعان مۇناي باعاسىنىڭ ارزانداۋى تۇرتكى ەكەنى ايتىلدى.  سونداي-اق قارجى سالاسىنىڭ ساراپشى ارمان بەيسەمبايەۆ مۇناي نارىعىنداعى جاعداي جاقىن كۇندەرى تۇزەلمەسە، وسى اپتادا 1 اقش دوللارىنىڭ قۇنى 530 تەڭگەگە بارۋى مۇمكىن ەكەنىن بولجادى. ال Brent مۇنايىنىڭ ءبىر باررەلى بۇگىن 2021 جىلدىڭ 8 اقپانىندا تىركەلگەن ەڭ تومەنگى شەك - 59،8 دوللارعا دەيىن تاعى تومەندەدى.