اۋماقتىق سايلاۋ كوميسسيالارىنىڭ مالىمەتى بويىنشا وسى 730 سايلاۋ وكرۋگىندە 2582 كانديدات ۇسىنىلعان. سولاردىڭ 2297ء-ى تىركەۋدەن وتكەن. كانديداتتاردىڭ باسىم بولىگى – ءوز-وزىن ۇسىنۋشىلار. سايلاۋ تۋرالى زاڭناماعا ەنگىزىلگەن تولىقتىرۋلار مەن تۇزەتۋلەردىڭ ارقاسىندا اۋىل اكىمدەرىنىڭ سايلاۋىنا تۇسكىسى كەلەتىن ۇمىتكەرگە ءوز-وزىن ۇسىنۋ مۇمكىندىگى بەرىلگەن بولاتىن. وسى مۇمكىندىكتى بۇل جولعى سايلاۋدا 1419 ادام پايدالانىپ وتىر.
878 ۇمىتكەردى ادىلەت مينيسترلىگىنىڭ تىركەۋىندە بار 6 ساياسي پارتيا ۇسىنعان.
ەر ۇمىتكەرلەردىڭ سانى –1839. سولارمەن بىرگە 458 ايەل ۇمىتكەر باعىن سىناعالى وتىر.
داۋىس بەرۋ پروسەسىنىڭ ءادىل ءوتۋىن «پارتيالىق ەمەس باقىلاۋشىلار ورتالىعى» رەسپۋبليكالىق قوعامدىق بىرلەستىگى قاداعالايتىن بولادى.
بۇگىنگى سايلاۋ 14 وبلىس بويىنشا 1847 سايلاۋ ۋچاسكەسىندە وتەدى.
كۇننىڭ ماڭىزدى جانە وزەكتى جاڭالىقتارىن «ەگەمەن قازاقستان» تەلەگرام كانالىنان وقىڭىز
قولدانىلعان ماتەريالدارعا مىندەتتى تۇردە www.egemen.kz سايتىنا گيپەرسىلتەمە بەرىلۋى ءتيىس / ليۋبوە يسپولزوۆانيە ماتەريالوۆ دوپۋسكاەتسيا تولكو پري ناليچيي گيپەرسسىلكي نا egemen.kz:
