ۇساق-تٷيەكتەن باستاۋ قيىن ەمەس. بۇل دۇرىس قادام. قۇمىرا بٸردەن تولمايدى. ول بٸرتٸندەپ تولىسادى. تامشى ٷستٸنە تامشى تاما وتىرىپ. ەربٸر ۇستاز كەزٸندە جەي عانا شەكٸرت بولعان. ەۋەستٸكپەن وسى جولعا تٷسكەن. ۇساق-تٷيەككە نەمقۇرايلى قاراماڭىز. تٶزٸمدٸ, ۇستامدى بولساڭىز, باستاعان ٸسٸڭٸزدٸ اقىرىنا دەيٸن جەتكٸزسەڭٸز, وندا جەتٸستٸك سٸزدٸ ٶزٸ ٸزدەپ تابادى. ەشكٸم بٸر تٷندە ٶزگەرٸپ كەتپەيدٸ. جەتٸستٸك كٷن-تٷن دەمەي جىلدار بويى ەڭبەكتەنگەن ادامعا كەلەدٸ. قۇمىرا تولعان كەزدە ول دا ەسٸك قاعاتىنى انىق.
ەر ٸستٸڭ مەنٸ بار. جەتٸلۋ ٷشٸن ەرەكەت ەتۋ ماڭىزدى. جىلدام جەتٸلۋ ٷشٸن كٷن سايىن ەرەكەتتٸ ٷدەتۋ كەرەك. اتاق – ەركٸمگە بەرٸلۋٸ مٷمكٸن. بٸراق وعان لايىقتى بولۋ ماڭىزدىراق. تەك كٷنبە كٷن ەرەكەت ەتەتٸندەر عانا شىنايى جەڭٸسكە قول جەتكٸزەدٸ. «تەڭٸر ەر قۇسقا جەۋگە قۇرت بەرەدٸ, بٸراق ونى ۇياسىنا سالمايدى» دەيتٸن مەتەل بار. «ادامنىڭ ەرەكەتٸ – جەمٸسٸ, تٷك بٸتٸرمەگەنٸ – تاعدىرى». ماڭدايعا جازعان دەپ قاراپ وتىرۋ بەيەدەپ قىلىق. تاعدىردى جاساۋ – مىقتىلاردىڭ مٷمكٸندٸگٸ.
تٷسٸنۋگە تىرىسىڭىز. بٸز اقيقات ٷشٸن كٷرەسۋدٸ توقتاتتىق. قازٸر ەر ادام ٶزٸ ٷشٸن عانا كٷرەسەدٸ. الدىمەن تٷسٸنۋگە تىرىسىڭىز. سودان كەيٸن عانا تٷسٸندٸرٸڭٸز. ٶزگەنٸڭ وي-پٸكٸرٸن دۇرىس تٷسٸنۋگە بارىڭىزدى سالىڭىز. ٶزگەنٸ تىڭداپ, ونىڭ ويىن بٸلگەن سوڭ عانا جانىڭىز جاي تابادى. بٸر نەرسەنٸڭ بايىبىن تەرەڭ تٷسٸنٸڭٸز: «دۇرىستىقتى دەلەلدەۋدەن – باقىتتى بولۋ ارتىق» ەكەنٸن ەسكەرٸڭٸز.
ٶزٸڭدٸ جەڭ. مىڭ مايدانعا شىعىپ, دۇشپاندى جەڭگەننەن – ٶزٸڭدٸ جەڭۋ ماڭىزدىراق. ەلدەقايدا قيىن. بۇل – ناعىز جەڭٸس! ونى سەنەن پەرٸشتە دە, ٸبٸلٸس تە, جۇماق تا, توزاق تا تارتىپ الا المايدى. ٶزٸڭدٸ جەڭۋ ٷشٸن, الدىمەن ساناڭدى جەڭۋٸڭ كەرەك. سوندا ەر ويىڭدى قاداعالاي الاتىن بولاسىڭ. سوندا وي اتاۋلى مۇحيتتىڭ تولقىنى قۇساپ جاعاعا ٷنسٸز سوعىلمايتىن بولادى. مەن ويىمدى قالاي قاداعالايمىن? وي شىرماۋىق سيياقتى ٶنە بەرەدٸ دەرسٸز. ولاي ەمەس. وي دەگەن ساناڭدا ۇشىپ جٷرگەن قۇستار سەكٸلدٸ. قاي قۇستى ميىڭا قوندىرىپ, ۇيا سالۋىنا رۇقسات ەتۋ – تاڭداۋ ٶز قولىڭدا.
ٷندەستٸكتە ٶمٸر سٷرٸڭٸز. ول ٸشتەن كەلەتٸن تىنىشتىق. ونى سىرتتان ٸزدەمەڭٸز. جٷرەكتەن تاباتىن سەزٸمدٸ بٶگدە ادامنان سۇراماڭىز. شىندىقتان باسىن الىپ قاشقان ادام عانا ٷيلەسٸمدٸلٸكتٸ ٶزگەدەن, سىرتتان ٸزدەپ ەۋرەگە تٷسەدٸ. ٷيلەسٸمدٸلٸكتٸ ادام ٶزٸنەن عانا تابا الادى. ٷندەستٸك دەگەنٸمٸز جاڭا جۇمىس ەمەس. سۋ جاڭا كٶلٸك ەمەس. جاڭا كٷيەۋ ەمەس. ەلدە, كەرٸسٸنشە. ٷيلەسٸم دەگەنٸمٸز – جاننىڭ جاي تابۋى. ول ادامنىڭ جٷرەگٸنەن باستاۋ الادى.
ريزا بولىڭىز. ورنىمىزدان تۇرىپ, كٶپ وقىماعانىمىز ٷشٸن, بولماسا كٶپ وقۋعا تىم ارتىق ۋاقىت جۇمساماعانىمىز ٷشٸن, دەنساۋلىعىمىزدىڭ جاقسى بولعانى ٷشٸن, ەلٸ دە جەر باسىپ جٷرگەنٸمٸز ٷشٸن العىس ايتا جٷرەيٸك. العىس ايتۋعا تۇرارلىق سەبەپ تابىلادى. تٸپتٸ, ۇرىسىپ جاتقان كەزدە دە العىس ايتۋعا تۇرارلىق بٸر جاقسىلىقتىڭ بولعانىن ەستەن شىعارماڭىز. بٸر كٷندە كەم دەگەندە ون جاقسىلىق تاۋىپ, سولار ٷشٸن العىس ايتىڭىز. ەر كٷننٸڭ ٶز جاقسىلىعى بولاتىنىن تٷسٸنەسٸز. ريزا جٷرەكپەن ادام ۇلىلىققا قادام باستايدى.
اۋدارعان شىنار ەبٸلدە
