9 قىركٷيەكتە Brent ماركالى مۇنايدىڭ باعاسى باررەلٸنە 100 دوللاردان استى. مۇنداي كٶرسەتكٸش سوڭعى رەت شٸلدە ايىنىڭ سوڭىندا تٸركەلگەن ەدٸ. ساۋدا بارىسىندا مۇناي باعاسى 100,2 دوللارعا دەيٸن كٶتەرٸلٸپ, كەيٸن ازداپ تٶمەندەدٸ, دەپ حابارلايدى dalanews.kz.
باعانىڭ ٶسۋٸنە تاياۋ شىعىستاعى جاعدايدىڭ ۋشىعۋى سەبەپ بولدى. اقش ەسكەرٸ يراننىڭ مۇناي تاسىمالدايتىن تانكەرلەرٸنە سوققى جاساعانىن حابارلادى. بۇعان جاۋاپ رەتٸندە يران يوردانيياداعى امەريكالىق نىساندارعا جەنە ورمۋز بۇعازى ماڭىنداعى كەمەلەرگە شابۋىل جاسادى. سونىمەن قاتار حۋسيتتەر ساۋد ارابيياسىنىڭ مۇناي نىساندارىنا شابۋىل جاساعان.
وسى وقيعالار تاياۋ شىعىستان مۇناي جەتكٸزۋ قيىنداۋى مٷمكٸن دەگەن قاۋٸپ تۋعىزدى. نارىق قاتىسۋشىلارىن ەسٸرەسە ورمۋز بۇعازىنداعى جاعداي الاڭداتىپ وتىر. ٶيتكەنٸ ەلەمدە ٶندٸرٸلەتٸن مۇنايدىڭ ەدەۋٸر بٶلٸگٸ وسى بۇعاز ارقىلى تاسىمالدانادى. ەگەر مۇندا كەمە قوزعالىسى شەكتەلسە, مۇناي تاپشىلىعى تۋىنداپ, باعا ودان ەرٸ قىمباتتاۋى مٷمكٸن.
مۇنايدىڭ قىمباتتاۋى قازاقستانعا قوسىمشا تابىس ەكەلۋٸ ىقتيمال. بۇل ەكسپورتتان تٷسەتٸن كٸرٸس پەن بيۋدجەتكە تٷسەتٸن قاراجاتتىڭ ٶسۋٸنە ەسەر ەتەدٸ. الايدا قازاقستان مۇناي تاسىمالداۋدا ورمۋز بۇعازىنا تەۋەلدٸ ەمەس. وتاندىق مۇنايدىڭ باسىم بٶلٸگٸ كاسپيي قۇبىر كونسورتسيۋمى ارقىلى قارا تەڭٸزگە شىعارىلادى.
