باتىس قازاقستان وبلىسىنداعى حان توعايى ورمان-پاركٸ اۋماعىندا شىققان ٶرتتٸ سٶندٸرۋ جۇمىستارى جالعاسۋدا. تٸلسٸز جاۋدى اۋىزدىقتاۋعا ەكٸ تٸكۇشاق جۇمىلدىرىلىپ, ورمان شارۋاشىلىعى مەن تٶتەنشە جاعدايلار قىزمەتٸنٸڭ بٶلٸمشەلەرٸ جۇمىس ٸستەپ جاتىر, دەپ حابارلايدى dalanews.kz.
ٶرت تۋرالى اقپارات 27 شٸلدە كٷنٸ ساعات 13:35-تە تٷسكەن. العاش بولىپ وقيعا ورنىنا ورال ورمان جەنە جانۋارلار دٷنيەسٸن قورعاۋ جٶنٸندەگٸ كوممۋنالدىق مەملەكەتتٸك مەكەمەسٸنٸڭ قىزمەتكەرلەرٸ بارعان. الدىن الا مەلٸمەت بويىنشا, ٶرت ەلەكتر بەرۋ جەلٸسٸنٸڭ تٸرەگٸ قۇلاپ, قىسقا تۇيىقتالۋ سالدارىنان شىققان.
ٶرتتٸ سٶندٸرۋگە باتىس قازاقستان وبلىستىق تٶتەنشە جاعدايلار دەپارتامەنتٸنٸڭ كٷشتەرٸ, قوشىم ورمان بٶلٸمشەسٸنٸڭ قىزمەتكەرلەرٸ, سونداي-اق اتىراۋ قالاسى مەن اقجايىق اۋدانىنداعى چاپاەۆ اۋىلىنان كەلگەن اۆياتسييا جۇمىلدىرىلعان.
بقو تابيعي رەسۋرستار جەنە تابيعات پايدالانۋدى رەتتەۋ باسقارماسىنىڭ مەلٸمەتٸنشە, جالىن شامامەن 15 گەكتار اۋماقتاعى ٷيەڭكٸ مەن شاعان اعاشتارىن شارپىعان.
ٶرتتٸ اۋىزدىقتاۋ جۇمىستارىنا تٶتەنشە جاعدايلار مينيسترلٸگٸنٸڭ «قازاۆياقۇتقارۋ» اق مەن ەكولوگييا جەنە تابيعي رەسۋرستار مينيسترلٸگٸنە قاراستى «قازاۆياورمانقورعاۋ» رمك-نىڭ تٸكۇشاقتارى دا تارتىلدى. 28 شٸلدە ساعات 01:00-دەگٸ جاعداي بويىنشا ٶرتتٸ سٶندٸرۋگە 80-گە جۋىق ادام, 10 بٸرلٸك جەرٷستٸ تەحنيكاسى جەنە ەكٸ تٸكۇشاق قاتىسقان. ەۋە تەحنيكاسى جالپى كٶلەمٸ 68 توننا سۋدى 46 رەت تٶككەن.
كۋەگەرلەردٸڭ ايتۋىنشا, قويۋ تٷتٸن ورال قالاسىنىڭ ورتالىعىنا, زاچاگانسك كەنتٸنە جەنە وعان ٸرگەلەس اۋداندارعا دەيٸن تاراعان. كەيبٸر تۇرعىندار كٷل جاۋعانىن دا حابارلاعان.
ورال قالاسى ەكٸمدٸگٸنٸڭ مەلٸمەتٸنە سەيكەس, اپتاپ ىستىق پەن قاتتى جەلدٸڭ ەسەرٸنەن قالانىڭ جەكەلەگەن اۋداندارىندا ەلەكتر ەنەرگيياسى ۋاقىتشا ٶشكەن. سونىڭ سالدارىنان شامامەن 800 ابونەنت جارىقسىز قالعان. قازٸرگٸ ۋاقىتتا ەلەكترمەن جابدىقتاۋدى قالپىنا كەلتٸرۋ جۇمىستارى جالعاسىپ جاتىر.
