رەسەيمەن شەكارادا ورنالاسقان «سىرىم» اۆتوموبيل وتكىزۋ بەكەتىندە تەمەكى ونىمدەرىنىڭ زاڭسىز تاسىمالدانعانى انىقتالدى،- دەپ حابارلايدى Dalanews.kz
بقو بويىنشا مەملەكەتتىك كىرىستەر دەپارتامەنتىنىڭ ماماندارى ق ر ۇقك شەكارا قىزمەتىمەن بىرلەسە وتىرىپ، 2 500 قوراپ تەمەكى ونىمدەرىن ىلەسپە قۇجاتتارسىز تاسىمالداۋ ارەكەتىنىڭ جولىن كەستى.
دەپارتامەنتتىڭ باسپا ءسوز قىزمەتىنەن ءمالىم ەتكەنىندەي، تەمەكى ونىمدەرى قىرعىزستاننان قازاقستان ارقىلى رەسەيگە جەتكىزىلمەك بولعان.
– تاۋارلار مىندەتتى قۇجاتتامانى تالاپ ەتەتىن اكسيزدەلەتىن ءونىم بولىپ ەسەپتەلەدى. قازىرگى كەزدە تەكسەرۋ شارالارى جۇرگىزىلۋدە، قورىتىندىسى بويىنشا پروسەسسۋالدىق شەشىم قابىلدانادى، - دەپ حابارلادى ۆەدومستۆودان.
