مەملەكەتتٸك كٸرٸستەر كوميتەتٸ بلوگەرلەرگە جٸبەرٸلگەن حابارلامالاردىڭ كەرٸ قايتارىلۋ سەبەبٸن تٷسٸندٸردٸ, دەپ حابارلايدى Dalanews.kz.
مەملەكەتتٸك كٸرٸستەر كوميتەتٸنٸڭ مەلٸمەتٸنشە, 2025 جىلى 19 اقپاندا بلوگەرلەرگە بۇرىن جٸبەرٸلگەن حابارلامالاردىڭ بٸر بٶلٸگٸ كەرٸ قايتارىلعان.
“جالپى سوماسى 53,3 ملرد تەڭگەنٸ قۇرايتىن 1 014 حابارلاما 594 بلوگەرگە جولدانعان بولاتىن. الايدا ولاردىڭ ٸشٸندە 9,8 ملرد تەڭگەگە قاتىستى 169 حابارلاما (93 بلوگەرگە جٸبەرٸلگەن) كەرٸ قايتارىلدى. بۇل تەحنيكالىق اقاۋلاردىڭ سالدارىنان تۋىنداعان قاتەلٸكتەرگە بايلانىستى”, – دەپ حابارلادى كوميتەت ٶكٸلدەرٸ.
سونىمەن قاتار مەملەكەتتٸك ورگان جويىلعان تەحنيكالىق قاتەلەردٸ ەسكەرە وتىرىپ, كەرٸ قايتارىلعان حابارلامالاردى قايتا قالىپتاستىرۋ جۇمىستارى جٷرگٸزٸلگەنٸن اتاپ ٶتتٸ.
ايتا كەتەيٸك, بۇعان دەيٸن قازاقستاندىق بلوگەرلەرگە قاتىستى سالىقتىق تەكسەرۋلەردٸڭ نە سەبەپتٸ باستالعانىن مەملەكەتتٸك كٸرٸستەر كوميتەتٸ (مكك) تٷسٸندٸرگەن ەدٸ.مكك جەكە تۇلعالاردىڭ كٸرٸستەرٸن ەكٸمشٸلەندٸرۋ باسقارماسىنىڭ باسشىسى دينا قۇسايىنوۆانىڭ TengriTV YouTube ارناسىنا بەرگەن سۇحباتىندا ايتۋىنشا, سالىق ورگاندارىنا قازاقستاندىقتاردان بٸرنەشە شاعىم تٷسكەن.
«بۇل جۇمىستى كٶپتەگەن ازاماتتاردىڭ شاعىمدارى نەگٸزٸندە باستادىق. بٸزگە ازاماتتاردان بلوگەرلەردٸڭ سەن-سالتاناتقا تولى ٶمٸر سٷرەتٸنٸ, الايدا سالىق تٶلەمەيتٸنٸ تۋرالى ٶتٸنٸشتەر كەلٸپ تٷستٸ. «ولاردى تەكسەرٸڭٸزدەر, ولار قىمبات كٶلٸكتەردە جٷرەدٸ, ەليتالىق پەتەرلەردە تۇرادى, زەۋلٸم ٷيلەر ساتىپ الادى» دەگەن سۇراقتار تۋىندادى. ەرينە, حالىق ولاردىڭ قانشا سالىق تٶلەيتٸنٸن بٸلگٸسٸ كەلەدٸ», – دەدٸ دينا قۇسايىنوۆا.
ونىڭ ايتۋىنشا, بلوگەرلەرگە سالىقتىق حابارلامالار 2025 جىلدىڭ اقپانىندا جٸبەرٸلگەن جەنە ول 2022-2023 جىلدارعا جٷرگٸزٸلگەن تالداۋعا نەگٸزدەلگەن.
«ول ۋاقىتتا بلوگەرلەر تابىس تاۋىپ وتىردى. كەيبٸرەۋلەرٸ سالىق دەكلاراتسيياسىن تاپسىرسا, كەيبٸرەۋلەرٸ مٷلدە تاپسىرماعان. ال كەيبٸر بلوگەرلەر كٸرٸستەرٸن «نٶل» دەپ كٶرسەتكەن. سوندىقتان بٸز تالداۋ جٷرگٸزٸپ, سەيكەسسٸزدٸكتەردٸ انىقتادىق», – دەپ تٷسٸندٸردٸ مكك ٶكٸلٸ.
كٶپتەگەن بلوگەرلەر جيناعان قاراجاتتارىنىڭ قايىرىمدىلىققا, تۋعان كٷندەرگە نەمەسە جاقىندارىنا اۋدارىلعانىن العا تارتقان. بۇل مەسەلە بويىنشا دينا قۇسايىنوۆا ناقتى تٷسٸنٸكتەمە بەردٸ.
«قايىرىمدىلىق تۋرالى زاڭ بار. قايىرىمدىلىق كٶمەك رەتٸندە الىنعان قاراجات تۋرالى ۋەكٸلەتتٸ ورگاندارعا ەسەپ بەرۋ كەرەك. قاشان, كٸمنەن, قانداي سوما الىنعانى كٶرسەتٸلۋٸ تيٸس. ەگەر وسىنداي ەسەپتەر ۇسىنىلسا, ولار مٸندەتتٸ تٷردە ەسكەرٸلەدٸ.
سونىمەن قاتار, باسقا دا كٸرٸس تٷرلەرٸ بار. «قايىرىمدىلىق كٶمەك», «دەمەۋشٸلٸك كٶمەك» دەگەن ۇعىمدار بار. مۇنىڭ بەرٸ دە كٸرٸس رەتٸندە قارالىپ, سالىق كودەكسٸنە سەيكەس رەتتەلۋٸ تيٸس. ەگەر بۇل بۇرىن جاسالماسا, بلوگەرلەر قوسىمشا سالىق دەكلاراتسيياسىن تاپسىرىپ, بارلىق كٸرٸستەرٸن كٶرسەتۋٸنە بولادى. ولاردىڭ حابارلاماعا جاۋاپ بەرۋٸنە 30 جۇمىس كٷنٸ, ياعني شامامەن 1,5 اي ۋاقىتى بار»*, – دەپ تٷسٸندٸردٸ باسقارما باسشىسى.
قازاقستاندىق بلوگەرلەردٸڭ كەيبٸرٸ بۇل سالىقتىق تەكسەرۋلەردٸ «كٶرسەتٸلگەن قىسىم» دەپ اتاعان ەدٸ. بۇعان جاۋاپ رەتٸندە دينا قۇسايىنوۆا تەكسەرۋلەردٸڭ ماقساتى جازالاۋ ەمەس, مەملەكەتتٸك بيۋدجەتتٸ تولىقتىرۋ ەكەنٸن اتاپ ٶتتٸ.
«بۇل سٶز تىم ٶرەسكەل ەستٸلەدٸ. جالپى, بٸزدٸڭ باستى مٸندەتٸمٸز – مەملەكەتتٸك بيۋدجەتكە تٷسەتٸن كٸرٸستٸ ارتتىرۋ جەنە بارلىق جەكە تۇلعالاردىڭ سالىق تٶلەۋٸن قامتاماسىز ەتۋ. بٸز ٷشٸن ادام بلوگەر مە, جۋرناليست پە, كەسٸپكەر مە – ماڭىزدى ەمەس. بارلىعى زاڭعا سەيكەس سالىق تٶلەۋگە مٸندەتتٸ», – دەپ اتاپ ٶتتٸ ول.
سونىمەن قاتار, ول بۇل تەكسەرۋلەر «جوعارىدان تٷسكەن تاپسىرما» دەگەن پٸكٸرلەرگە جاۋاپ بەردٸ.
«حابارلامالار تەك اقپاندا عانا جٸبەرٸلگەن جوق. بۇعان دەيٸن دە وسىنداي ەسكەرتۋلەر بولعان. كەيبٸر بلوگەرلەر ٷنسٸز قوسىمشا دەكلاراتسييا تاپسىردى جەنە سالىقتارىن تٶلەدٸ. ال كەيبٸرەۋلەرٸ ەلەۋمەتتٸك جەلٸدە بۇل پروتسەستٸ دۇرىس ەمەس دەپ ەسەپتەيتٸنٸن ايتىپ جاتىر. ەگەر بٸر نەرسەگە كەلٸسپەسە, بٸزگە دەلەلدەرٸمەن بٸرگە تٷسٸنٸكتەمە ۇسىنسىن. بارلىق كٸرٸستەرٸن ناقتىلاپ, سالىق ورگانىنا قاجەتتٸ اقپارات بەرسٸن.
