قازاقستاندىق كاسىپكەر قايرات بورانبايەۆتىڭ ايەلى كۇيەۋىمەن سوتتاسىپ، جەڭىلىپ قالدى، دەپ حابارلايدى Dalanews.kz.
شولپان بورانبايەۆا كۇيەۋىنە تيەسىلى بولعان مۇلىكتى ءبولىپ الماق بولعان. اڭگىمە 2023 جىلى ناۋرىزدا "QazaqGaz" جانە "ازياگاز چۋندجا" اراسىنداعى مامىلەلەر كەزىندە جىمقىرۋ تۋرالى ءىس بويىنشا مەملەكەت كىرىسىنە تاركىلەنگەن الماتىداعى ءال-فارابي داڭعىلىنداعى ءۇي-جاي مەن جەر ۋچاسكەسى تۋرالى بولعان.
سوت داۋى ماتەريالدارىندا "Esentai Tower" بيزنەس ورتالىعى مەن "Esentai Mall" ساۋدا ورتالىعىنا ىرگەلەس جاتقان ەكى قاباتتى اكىمشىلىك عيمارات تۋرالى ءسوز قوزعالعان. انىقتامالىق مالىمەتتەرگە سايكەس، بۇل عيماراتتا 2 نىسان بار - "Tor" جانە "Cafeteria" مەيرامحانالارى.
ەسكە سالايىق، كاسىپكەر بورانبايەۆ ءالى دە تەرگەۋ وربيتاسىندا. وليگارح قايرات بورانبايەۆقا قارسى قىلمىستىق ءىس ق ر قىلمىستىق كودەكسىنىڭ تاعى ەكى بابى بويىنشا تەرگەلىپ جاتىر. بۇل تۋرالى قارجىلىق مونيتورينگ اگەنتتىگى ءتوراعاسىنىڭ ورىنباسارى جەڭىس ەلەمەسوۆ مالىمدەدى.
"ول سوتتالعان نەگىزگى قىلمىستىق ءىس بويىنشا 14، 5 ميلليارد تەڭگە كولەمىندە زالال وتەلدى، بۇدان باسقا ول 120 ميلليارد تەڭگە كولەمىندە زالالدى وتەدى. 120 ميلليارد تەڭگە، وعان قوسا 14،5 ميلليارد تەڭگە - 134 ميلليارد تەڭگە. ...قىلمىستىق ءىس ءالى توقتاتىلعان جوق، ول تەرگەلىپ جاتىر، تاعى دا زالال وتەلۋى مۇمكىن. ...وعان بيۋدجەت قاراجاتىنا قاتىستى كۇدىك بار، سونداي-اق، سالىق تولەۋدەن جالتارۋ بار"، - دەدى ەلەمەسوۆ ماجىلىستە.
ايتا كەتەيىك، بىلتىر 6 قاراشادا قايرات بورانبايەۆ بوستاندىققا شىقتى. ال وعان دەيىن ناۋرىزدا ول 8 جىلعا سوتتالدى. قىركۇيەكتە جازا مەرزىمى 6 جىلعا دەيىن قىسقاردى.
سونىمەن قاتار، "باي قۇدا" استانانىڭ ورتالىعىنداعى 4 جۇلدىزدى ءقوناقۇيدى، باسقا دا ءبىراز مۇلىكتى مەملەكەت مەنشىگىنە تاپسىردى. ال اۋماعى بەس مىڭ شارشى مەتردەن اساتىن ءقوناقۇي كەشەنىنىڭ جىلدىق اينالىمى شامامەن 900 ميلليون تەڭگەدەن اسادى ەكەن.
