قايرات بورانباەۆ بەلارۋستەگٸ مەيرامحانالارىنان اقىرى ايىرىلىپ تىندى. بەلارۋستٸڭ مەملەكەتتٸك مٷلٸك كوميتەتٸ ولاردى جاڭا يەسٸنە ساتۋعا دايىندالىپ جاتىر, - دەپ حابارلايدى Dalanews.kz.
Shiskin_like Telegram-ارناسىنىڭ دەرەكتەرٸنە سٷيەنسەك,قاڭتاردىڭ باسىندا بورانباەۆ بەلارۋستەگٸ مەيرامحانا بيزنەسٸنەن ايىرىلۋى مٷمكٸن ەكەنٸ بەلگٸلٸ بولدى. ٶيتكەنٸ بىلتىر كٷزدە بەلارۋس رەسپۋبليكاسىنىڭ مٷلٸك جٶنٸندەگٸ مەملەكەتتٸك كوميتەتٸ Mak.by مەيرامحانالار جەلٸسٸن سوتقا بەرگەن. ال ونىڭ يەلەرٸ - سينگاپۋرلىق KSB Victory Restaurants Pte.LTD كومپانيياسى. بۇل قازاقستاندىق كەسٸپكەرگە تيەسٸلٸ.
كەيٸن ونىڭ يەسٸ جوعارعى سوتقا شاعىم تٷسٸرٸپتٸ, ال وتىرىس 10 قاڭتاردا ٶتتٸ. بٸراق بەلارۋس بۇقارالىق اقپارات قۇرالدارى مەلٸمەتٸنشە, بۇعان دەيٸن شىققان شەشٸم ٶزگەرٸسسٸز قالعان.
"جاقىن ارادا مەنشٸك يەسٸ رەسمي تٷردە ٶزگەرەدٸ جەنە زاڭدى تۇلعالار بازاسىنان مەملەكەتتٸك مٷلٸك كوميتەتٸ ونىڭ يەسٸ بولعانىن كٶرەمٸز", - دەپ جازىلعان جەرگٸلٸكتٸ باسىلىمداردىڭ بٸرٸندە.
سونىمەن قاتار, بورانباەۆتىڭ مەيرامحانالارىن ساتىپ الۋشى تابىلىپ تا قويعان. بۇل تۋرالى بەلارۋس پرەزيدەنتٸ الەكساندر لۋكاشەنكو مينيسترلەر كەڭەسٸنٸڭ باسشىلىعىمەن ٶتكەن كەڭەستە ايتقان.
"ولاردى ساتىپ الۋعا دايىن جەكە مەنشٸك يەسٸ پايدا بولدى, اقشا تٶلەيدٸ, تٶلەيتٸن اقشاسى دا از ەمەس. جەكە كەسٸبٸ بار بەلارۋس ازاماتى بۇل جەلٸنٸ دامىتۋعا دايىن", - دەپ كەلتٸردٸ ونىڭ سٶزٸن جەرگٸلٸكتٸ باسىلىمداردىڭ بٸرٸ.
كەسٸپكەر ناقتى كٸم ەكەنٸ اتالمادى, بٸراق بۇقارالىق اقپارات قۇرالدارىندا ونىڭ اقش سانكتسييالار تٸزٸمٸنە ەنگەن كەسٸپكەر الەكسەي ولەكسين بولۋى مٷمكٸن ەكەنٸ تۋرالى بولجام بار.
ولەكسين - بەلارۋستٸڭ ٸرٸ كەسٸپكەرٸ, نەگٸزگٸنەن مۇناي ٶنٸمدەرٸن, تەمەكٸ مەن ەلەكترون تەمەكٸنٸ كٶتەرمە ساۋدالاۋمەن اينالىسادى.
